ଭୁବନେଶ୍ୱର – ଆକାଶରୁ ଖସିଲା ବିପତ୍ତି । ଆଜି ରାଜ୍ୟର ବିଭିନ୍ନ ସ୍ଥାନରେ ବଜ୍ରପାତ ଘଟି ୬ ଜଣଙ୍କର ମୃତ୍ୟୁ ହୋଇଛି। ସୁନ୍ଦରଗଡ଼ ଜିଲ୍ଲା ବଣାଇର ଘୋଷରା ଗାଁରେ ଚାଷକାମ ପାଇଁ ବିଲରେ ଥିବା ବେଳେ ବଜ୍ରପାତ ହେବା ଯୋଗୁଁ ଜଣେ ନାବାଳିକାଙ୍କ ମୃତ୍ୟୁ ହୋଇଛି । ସେହିପରି କେନ୍ଦୁଝର ଜିଲ୍ଲା ହାଟଡିହି ଗାଁରେ ବିଲ କାମ କରୁଥିବା ବେଳେ ବଜ୍ରପାତରେ ଜଣେ ଚାଷୀ ପ୍ରାଣ ହରାଇଛନ୍ତି। ପୁରୀ ଜିଲ୍ଲା ପିପିଲି ଦାଣ୍ଡମୁକୁନ୍ଦପୁର ବାହାବଜାରେ ଜଣେ ମହିଳା ଓ ବାଙ୍କି ଡମପଡ଼ା ବ୍ଲକ ପଦନପୁର ଗାଁରେ ଜଣେ ଚାଷୀଙ୍କ ବଜ୍ରପାତରେ ମୃତ୍ୟୁ ହୋଇଛି। ଖୋର୍ଦ୍ଧା ଜିଲ୍ଲା ଚିଲିକା ହ୍ରଦରେ ମାଛ ମାରୁଥିବା ବେଳେ ବଜ୍ରପାତ ହୋଇ ବାପା ଓ ପୁଅ ପ୍ରାଣ ହରାଇଛନ୍ତି।