ପାରଳାଖେମୁଣ୍ଡି – ଗୁଣିଗାରେଡି ସନ୍ଦେହରେ ଦମ୍ପତ୍ତିଙ୍କୁ ବୀଭତ୍ସ ହତ୍ୟା। ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ ଘୋଡ଼ାପଙ୍କା ଗାଁରେ ଗୁଣିଗାରେଡ଼ି ସନ୍ଦେହରେ ଦମ୍ପତିଙ୍କୁ ହତ୍ୟା କରାଯାଇଛି। କପିଳେନ୍ଦ୍ର ମଲ୍ଲିକ ଓ ତାଙ୍କ ସ୍ତ୍ରୀ ସସ୍ମିତା ମଲ୍ଲିକଙ୍କୁ ହତ୍ୟା କରାଯାଇଛି । ଗତକାଲି ସନ୍ଧ୍ୟାରେ କପିଳେନ୍ଦ୍ର ଘରେ ଥିଲାବେଳେ ଗାଁର କିଛି ଯୁବକ ଘରେ ପଶି ତାଙ୍କୁ ବୀଭତ୍ସ ଭାବେ ହତ୍ୟା କରିଥିବା ଅଭିଯୋଗ ହୋଇଛି। ସେତେବେଳେ କପିଳେନ୍ଦ୍ରଙ୍କ ସ୍ତ୍ରୀ ଘରେ ନଥିଲେ। ଗାଁରେ ଅନ୍ୟ ସାହିକୁ ଯାଇଥିବା ସ୍ତ୍ରୀ ସସ୍ମିତା ସ୍ୱାମୀଙ୍କ ହତ୍ୟା କଥା ଶୁଣି ନିଜ ଘରକୁ ଦୌଡ଼ି ଆସିଥିଲେ। ହେଲେ ଅଭିଯୁକ୍ତ ଯୁବକମାନେ ତାଙ୍କୁ ବାଟରେ ଗୋଡ଼ାଇ ଗୋଡ଼ାଇ ହତ୍ୟା କରିଥିଲେ। ଏହି ଘଟଣାରେ ଗାଁର କିଛି ଯୁବକଙ୍କୁ ପୋଲିସ ଉଠାଇ ନେଇ ପଚରାଉଚରା କରୁଛି। ସୂଚନାଯୋଗ୍ୟ, ଗତ ଫେବ୍ରୁଆରୀ ମାସରେ କପିଳେନ୍ଦ୍ରଙ୍କ ଉପରକୁ ଗୁଳିମାଡ ହୋଇଥିଲା । ଗୁଣିଗାରେଡି ସନ୍ଦେହରେ ତାଙ୍କ ଉପରକୁ ଗୁଳିମାଡ଼ ହୋଇଥିବା ଜଣାପଡ଼ିଥିଲା।