ଭୁବନେଶ୍ୱର – ଆଇଏଏସ ସ୍ତରରେ ଅଦଳବଦଳ କରାଯାଇଛି । ବଦଳିଛନ୍ତି ତିନି ଜିଲ୍ଲାର ଜିଲ୍ଲାପାଳ। ମୟୂରଭଞ୍ଜ ଜିଲ୍ଲାପାଳ ଥିବା ଆଶିଷ ଥାକ୍ରେଙ୍କୁ ବାଲେଶ୍ଵର ନୂଆ ଜିଲ୍ଲାପାଳ ଭାବେ ନିଯୁକ୍ତ କରାଯାଇଛି। ବାଲେଶ୍ଵର ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେଙ୍କୁ ବଦଳି କରାଯାଇ ମୟୂରଭଞ୍ଜ ଜିଲ୍ଲାପାଳ ଭାବେ ନିଯୁକ୍ତ କରାଯାଇଛି। ପୁରୀର ନୂଆ ଜିଲ୍ଲାପାଳ ହେବେ ସିଦ୍ଧାର୍ଥ ଶଙ୍କର ସ୍ୱାଇଁ । ସେ ବର୍ତ୍ତମାନ କଟକ ମହାନଗର ନିଗମର କମିଶନର ଏବଂ କଟକ ଉନ୍ନୟନ କର୍ତ୍ତୃପକ୍ଷଙ୍କ ଉପାଧ୍ୟକ୍ଷ ଅଛନ୍ତି । ବର୍ତ୍ତମାନ ପୁରୀ ଜିଲ୍ଲାପାଳ ଥିବା ବିଜୟ କୁମାର ଦାଶଙ୍କୁ କଟକ ମହାନଗର ନିଗମ କମିଶନର ଭାବେ ବଦଳି କରାଯାଇଛି। ଏହାସହ ସେ କଟକ ଉନ୍ନୟନ କର୍ତ୍ତୃପକ୍ଷଙ୍କ ଉପାଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ତୁଲାଇବେ ।