ଭୁବନେଶ୍ୱର – ଆଗାମୀ ଲୋକସଭା ଓ ବିଧାନସଭା ନିର୍ବାଚନ ପାଇଁ କଂଗ୍ରେସ ନିର୍ବାଚନ ପରିଚାଳନା କମିଟି ଗଠନ କରିଛି। ୨୬ ଜଣିଆ ନିର୍ବାଚନ ପରିଚାଳନା କମିଟିକୁ ଏଆଇସିସି ପକ୍ଷରୁ ଅନୁମୋଦନ କରାଯାଇଛି। ପ୍ରସାଦ ହରିଚନ୍ଦନ କମିଟିର ଅଧ୍ୟକ୍ଷ ରହିଛନ୍ତି। ଏଥିରେ ବରିଷ୍ଠ ନେତା ତଥା ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ଭକ୍ତ ଚରଣ ଦାସ, ଶ୍ରୀକାନ୍ତ ଜେନା, ସୁଶୀଳା ତିରିଆ, ଶରତ ରାଉତ ପ୍ରମୁଖ ସଦସ୍ୟ ରହିଥିବା ବେଳେ ମନୋରଞ୍ଜନ ଦାସ ଆବାହକ ଅଛନ୍ତି। ବାଙ୍କନିଧି ବେହେରା ଓ ବିକାଶ ଗରାବଡୁ କମିଟିର ଯୁଗ୍ମ ଆବାହକ ଅଛନ୍ତି।