ପୁରୀ – ଶ୍ରୀମନ୍ଦିର ଭିତରକାଠ ନିକଟରେ ରକ୍ତଛିଟା ଦୃଷ୍ଟିଗୋଚର ହେବା ପରେ ମହାପ୍ରଭୁଙ୍କର ବଡ଼ମହାସ୍ନାନ କରାଯାଇଛି। ମଙ୍ଗଳ ଆଳତି ପୂର୍ବରୁ ମହାପ୍ରଭୁଙ୍କ ମହାସ୍ନାନ ହୋଇଛି। ମିଳିଥିବା ସୂଚନା ଅନୁସାରେ ଆଜି ସକାଳ ୫ଟା ୨୧ରେ ସିଂହଦ୍ଵାର ଖୋଲାଯିବା ପରେ ପ୍ରଥମେ ସେବାୟତ ଘରର ମହିଳାମାନେ ମହାପ୍ରଭୁଙ୍କ ଦର୍ଶନ ପାଇଁ ପ୍ରବେଶ କରିଥିଲେ। ଭିତରକାଠ ନିକଟ ଧୁକୁଡ଼ି ଦ୍ୱାର ନିକଟରେ ରକ୍ତଛିଟା ପଡ଼ିଥିଲା । ଫଳରେ ମଙ୍ଗଳ ଆଳତୀ ପୂର୍ବରୁ ନୀତି ଅଟକିଥିଲା । ମହାପ୍ରଭୁଙ୍କ ବଡ ମହାସ୍ନାନ ପରେ ନିତି ଆଗକୁ ବଢିବ ବୋଲି ଜଣାପଡ଼ିଛି। ବଡ଼ ମହାସ୍ନାନ ଯୋଗୁଁ ଶ୍ରୀଜିଉଙ୍କ ସାଧାରଣ ଦର୍ଶନ ବନ୍ଦ ରହିଛି।