ଭୁବନେଶ୍ୱର – ଆଜି ମଧ୍ୟ ତାରକା ପ୍ରଚାରକଙ୍କ ନିର୍ବାଚନ ପ୍ରଚାର ବେଶ୍ ଜମିବ । ରାଜ୍ୟକୁ ତୃତୀୟ ଥର ପାଇଁ ନିର୍ବାଚନ ପ୍ରଚାର କରିବାକୁ ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ପୁରୀରେ ରୋଡ୍ ଶୋ’ କରି ବିଜେପି ପାଇଁ ଭୋଟ ମାଗିବେ । ପ୍ରଧାନମନ୍ତ୍ରୀ ଗତକାଲି ସଂଧ୍ୟାରେ ଭୁବନେଶ୍ୱରରେ ପହଞ୍ଚି ପ୍ରଥମେ ରାଜ୍ୟ ବିଜେପି କାର୍ଯ୍ୟାଳୟରେ ଦଳୀୟ କର୍ମକର୍ତ୍ତାଙ୍କ ସହ ବୈଠକ କରିଥିଲେ। ଆଜି ସକାଳେ ସେ ପୁରୀ ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି। ପୁରୀ ରୋଡ୍ ଶୋ’ ପରେ ପ୍ରଧାନମନ୍ତ୍ରୀ ଅନୁଗୁଳ ଓ କଟକରେ ନିର୍ବାଚନ ପ୍ରଚାର କରିବେ ।