ନୂଆଦିଲ୍ଲୀ: ଲକ୍ଷ୍ମୀପୁର ଖେରୀ ମାମଲାରେ ସ୍ୱତନ୍ତ୍ର ତଦନ୍ତକାରୀ ଦଳ (ଏସଆଇଟି)ର ଆବେଦନ ପରିପ୍ରେକ୍ଷୀରେ କଂଗ୍ରେସର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ଗୁରୁବାର କେନ୍ଦ୍ରକୁ ସମାଲୋଚନା କରିଛନ୍ତି । ମନ୍ତ୍ରୀ ଅଜୟ ମିଶ୍ର ଟେନିଙ୍କୁ ବରଖାସ୍ତ କରିବାକୁ କେନ୍ଦ୍ର ମନା କରିବା ‘ନୈତିକ ଅଧୋଗତିର ସବୁଠାରୁ ସ୍ପଷ୍ଟ ସଙ୍କେତ ବୋଲି ପ୍ରିୟଙ୍କା କହିଛନ୍ତି ।
ଏଥିସହ ସେ କହିଛନ୍ତି ଯେ ମିଶ୍ରଙ୍କୁ ବରଖାସ୍ତ କରାଯିବା ଉଚିତ ଏବଂ ଆଇନ ଅନୁଯାୟୀ ତାଙ୍କ ବିରୋଧରେ ମାମଲା ରୁଜୁ କରାଯିବା ଉଚିତ।
କଂଗ୍ରେସର ଉତ୍ତରପ୍ରଦେଶ ପ୍ରଭାରୀ ଥିବା ପ୍ରିୟଙ୍କା ଟୁଇଟ୍ କରି କହିଛନ୍ତି ଯେ ଅଜୟ ମିଶ୍ର ଟେନିଙ୍କୁ ବରଖାସ୍ତ କରିବାକୁ ମନା କରିବା ସରକାରଙ୍କର ନୈତିକ ଅଧୋଗତିର ସ୍ପଷ୍ଟ ସୂଚକ। ନରେନ୍ଦ୍ର ମୋଦିଜୀ, ଧର୍ମର ଯତ୍ନଶୀଳ ପ୍ରଦର୍ଶନ ଏବଂ ଧାର୍ମିକ ପୋଷାକ ପିନ୍ଧିବା ଦ୍ୱାରା ଆପଣ ଅପରାଧୀଙ୍କୁ ସୁରକ୍ଷା ଦେଉଥିବା ବାସ୍ତବତାରେ ପରିବର୍ତ୍ତନ ହେବ ନାହିଁ।
ସେ କହିଛନ୍ତି ଯେ ଅଜୟ ମିଶ୍ର ଟେନିଙ୍କୁ ବରଖାସ୍ତ କରାଯିବା ଉଚିତ ଏବଂ ଆଇନ ଅନୁଯାୟୀ ଏକ ମାମଲା ରୁଜୁ କରାଯିବା ଉଚିତ।
ଉଲ୍ଲେଖଯୋଗ୍ୟ ଯେ, ଲକ୍ଷ୍ମୀପୁର ଖେରୀ ହିଂସା ମାମଲାର ଯାଞ୍ଚ୍ କରୁଥିବା ଏସଆଇଟି ବର୍ତ୍ତମାନ ପର୍ଯ୍ୟନ୍ତ ତଦନ୍ତ ଏବଂ ପ୍ରମାଣ ଆଧାରରେ ଦାବି କରିଛି ଯେ କେନ୍ଦ୍ର ଗୃହମନ୍ତ୍ରୀ ଅଜୟ କୁମାର ମିଶ୍ର ‘ଟେନି’ଙ୍କ ପୁଅ ଏବଂ ତାଙ୍କ ସହଯୋଗୀମାନେ ଚାଷୀଙ୍କ ଉପରେ ଗାଡ଼ି ମଡାଇ ହତ୍ୟା କରିବା ଘଟଣା ଯୋଜନାବଦ୍ଧ ଷଡ଼ଯନ୍ତ୍ର ଥିଲା ।