ଚେନ୍ନାଇ: ଓମିକ୍ରନ୍ ବିପଦ ମଧ୍ୟରେ ଶତ ପ୍ରତିଶତ ଟିକାକରଣର ଲକ୍ଷ୍ୟ ହାସଲ କରିବା ପାଇଁ ପୁଡୁଚେରୀର କେନ୍ଦ୍ର ଶାସିତ ଅଞ୍ଚଳ ସମସ୍ତଙ୍କ ପାଇଁ କରୋନା ଟିକା ନେବାକୁ ବାଧ୍ୟତାମୂଳକ କରିଛି । ଏବଂ ଯେଉଁମାନେ ଟିକା ନ ଲଗାନ୍ତି ସେମାନଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ହେବ ବୋଲି କୁହାଯାଇଛି। ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ସେବା ନିର୍ଦ୍ଦେଶକ ଜି.ଶ୍ରୀରାମୁଲୁ ଏକ ଆଦେଶରେ ଏହା କହିଛନ୍ତି ଏବଂ ଏହା ତୁରନ୍ତ କାର୍ଯ୍ୟକାରୀ ହେବ ବୋଲି କହିଛନ୍ତି।
ବାଧ୍ୟତାମୂଳକ ଟିକାକରଣ ପାଇଁ ସରକାର ପୁଡୁଚେରୀ ଜନସ୍ୱାସ୍ଥ୍ୟ ଆଇନ ୧୯୭୩ର ବ୍ୟବସ୍ଥା କାର୍ଯ୍ୟକାରୀ କରିଛନ୍ତି। ଯେଉଁମାନେ ଟିକା ନ ଲଗାନ୍ତି ସେମାନେ ଆଇନର ବ୍ୟବସ୍ଥା ଅନୁଯାୟୀ ଦଣ୍ଡବିଧାନର ସମ୍ମୁଖୀନ ହେବେ ବୋଲି ନିର୍ଦ୍ଦେଶକ କହିଛନ୍ତି।