ଚଣ୍ଡିଗଡ଼: ପଞ୍ଜାବର ମୁଖ୍ୟମନ୍ତ୍ରୀ ଭଗଓ୍ଵନ୍ତ ମାନ୍ ଖନୌରୀ ସୀମାରେ ନିହତ କୃଷକ ଶୁଭକରନ ସିଂଙ୍କ ପରିବାରକୁ କ୍ଷତିପୂରଣ ସହ ତାଙ୍କ ଭଉଣୀଙ୍କୁ ସରକାରୀ ଚାକିରି ଦେବାକୁ ଘୋଷଣା କରିଛନ୍ତି।
ବୁଧବାର ପଞ୍ଜାବ-ହରିୟାଣା ସୀମାରେ ଖନୌରୀରେ ହରିୟାଣା ପୋଲିସ ସହ ସଂଘର୍ଷରେ ବଠିଣ୍ଡାର ଯୁବ ଚାଷୀ କିସାନ ସିଂ (୨୧)ଙ୍କ ମୃତ୍ୟୁ ହୋଇଥିଲା । ଚାଷୀମାନଙ୍କ ସହ ସଂଘର୍ଷରେ ୧୨ ଜଣ ପୋଲିସ ମଧ୍ୟ ଆହତ ହୋଇଥିଲେ। କିଛି ବିକ୍ଷୋଭରତ କୃଷକ ବ୍ୟାରିକେଡ୍ ହଟାଇବାକୁ ଚେଷ୍ଟା କରୁଥିବା ବେଳେ ଏହି ଘଟଣା ଘଟିଥିଲା।
ପଞ୍ଜାବୀ ଭାଷାରେ ଏକ ପୋଷ୍ଟରେ ମୁଖ୍ୟମନ୍ତ୍ରୀ ମାନ୍ କହିଛନ୍ତି, “ଖନୌରୀ ସୀମାରେ କୃଷକଙ୍କ ଆନ୍ଦୋଳନ ସମୟରେ ଶହୀଦ ହୋଇଥିବା ଶୁଭକରନ୍ ସିଂଙ୍କ ପରିବାରକୁ ପଞ୍ଜାବ ସରକାରଙ୍କ ତରଫରୁ ୧ କୋଟି ଟଙ୍କା ଆର୍ଥିକ ସହାୟତା ଦିଆଯିବ ଏବଂ ତାଙ୍କ ସାନ ଭଉଣୀକୁ ସରକାରୀ ଚାକିରି ଦିଆଯିବ। ଦୋଷୀଙ୍କ ବିରୋଧରେ ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ”