ନୂଆଦିଲ୍ଲୀ: କଂଗ୍ରେସର ପୂର୍ବତନ ସଭାପତି ତଥା ୱାୟାନାଡ ସାଂସଦ ରାହୁଲ ଗାନ୍ଧୀ ଦେଶରେ ଏଲପିଜି ମୂଲ୍ୟ ବୃଦ୍ଧି ନେଇ କେନ୍ଦ୍ରରେ ମୋଦୀ ସରକାରଙ୍କୁ ପୁଣି ଥରେ ଟାର୍ଗେଟ କରିଛନ୍ତି। ସରକାରଙ୍କୁ ଟାର୍ଗେଟ କରି ସେ କହିଛନ୍ତି ଯେ ଦେଶ ଅନ୍ୟାୟ ବିରୋଧରେ ଏକଜୁଟ ହେଉଛି।
ପେଟ୍ରୋଲ, ଡିଜେଲ ଏବଂ ଏଲପିଜି ମୂଲ୍ୟ ବୃଦ୍ଧି ତଥା କେନ୍ଦ୍ର ସରକାର ଲଗାଇଥିବା କିଛି ଟିକସକୁ ହଟାଇବା ପାଇଁ କଂଗ୍ରେସ ଦଳ କ୍ରମାଗତ ଭାବରେ କେନ୍ଦ୍ରକୁ ଆକ୍ରମଣ କରୁଛି। ଉତ୍ପାଦର ମୂଲ୍ୟ ହ୍ରାସ କରିବାକୁ ଦାବି କରୁଛି।
ରନ୍ଧନ ଗ୍ୟାସ ମୂଲ୍ୟରେ ବୃଦ୍ଧି ନେଇ ସରକାରଙ୍କୁ ଟାର୍ଗେଟ କରି ରାହୁଲ ଗାନ୍ଧୀ ଟ୍ୱିଟ କରି କହିଛନ୍ତି ଯେ ଲୋକଙ୍କୁ ଭୋକିଲା ପେଟରେ ଶୋଇବାକୁ ବାଧ୍ୟ କରି ନିଜେ ବନ୍ଧୁଙ୍କ ଛାୟାରେ ଶୋଇଛନ୍ତି … କିନ୍ତୁ ଦେଶ ଅନ୍ୟାୟ ବିରୁଦ୍ଧରେ ଏକଜୁଟ ହୋଇଛି।
जनता को भूखे पेट सोने पर मजबूर करने वाला ख़ुद मित्र-छाया में सो रहा है…
लेकिन अन्याय के ख़िलाफ़ देश एकजुट हो रहा है।#IndiaAgainstBJPLoot pic.twitter.com/ifFJVeUg7W— Rahul Gandhi (@RahulGandhi) September 1, 2021
‘ବିଜେପିର ଲୁଟ୍ ବିରୋଧରେ ଭାରତ’ ଲେଖି ରାହୁଲ ଚଳିତ ବର୍ଷ ଜାନୁୟାରୀ ଠାରୁ ଚାରିଟି ମେଟ୍ରୋରେ ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ବୃଦ୍ଧି ହେବାର ଏକ ତାଲିକା ମଧ୍ୟ ସେୟାର କରିଛନ୍ତି। ସୂଚନାଯୋଗ୍ୟ ଯେ ୨୦୨୧ରେ ଏଲପିଜି, ପେଟ୍ରୋଲ ଏବଂ ଡିଜେଲର ମୂଲ୍ୟ କ୍ରମାଗତ ଭାବରେ ବୃଦ୍ଧି ପାଇଛି | ବର୍ଷ ଆରମ୍ଭରେ ଦିଲ୍ଲୀରେ ଏଲପିଜି ୬୯୪ ଟଙ୍କାରେ ଉପଲବ୍ଧ ଥିବାବେଳେ ସେପ୍ଟେମ୍ବର ମାସ ସୁଦ୍ଧା ଏହାର ମୂଲ୍ୟ ୮୮୪ ଟଙ୍କାକୁ ବୃଦ୍ଧି ପାଇଥିଲା। ଏହା ବ୍ୟତୀତ ପେଟ୍ରୋଲ ଏବଂ ଡିଜେଲ ମୂଲ୍ୟରେ କ୍ରମାଗତ ବୃଦ୍ଧି ଘଟିଛି।