ଜୟପୁର: ରାହୁଲ ଗାନ୍ଧୀଙ୍କୁ ଦଳର ସଭାପତି କରିବା ପାଇଁ ରାଜସ୍ଥାନ କଂଗ୍ରେସ ସଂକଳ୍ପ ପାରିତ କରିଛି। ରାଜସ୍ଥାନ କଂଗ୍ରେସ ମଧ୍ୟ ଦଳର ରାଜ୍ୟ ମୁଖ୍ୟ ତଥା ଅଖିଳ ଭାରତୀୟ କଂଗ୍ରେସ କମିଟି (ଏଆଇସିସି) ର ସଦସ୍ୟ ନିଯୁକ୍ତ କରିବାକୁ ଦଳର ହାଇକମାଣ୍ଡକୁ ଅଧିକାର ପ୍ରଦାନ କରିଛି। କଂଗ୍ରେସ ଶାସିତ ରାଜ୍ୟମାନଙ୍କ ମଧ୍ୟରେ ରାଜସ୍ଥାନ ପ୍ରଥମ ରାଜ୍ୟ ଭାବେ ରାହୁଲଙ୍କୁ ଦଳର ଅଧ୍ୟକ୍ଷ କରିବାକୁ ସଂକଳ୍ପ ପାରିତ କରିଛି। ଦଳର ଏକ ବୈଠକରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଏହି ପ୍ରସ୍ତାବ ଉପସ୍ଥାପନ କରିଥିଲେ। କଂଗ୍ରେସ ସଭାପତି ପଦ ପାଇଁ ଅଶୋକ ଗେହଲୋଟ୍ ଦଳର ବରିଷ୍ଠ ନେତାଙ୍କ ପସନ୍ଦ ହୋଇପାରେ ବୋଲି ଚର୍ଚ୍ଚା ମଧ୍ୟରେ ରାଜସ୍ଥାନ କଂଗ୍ରେସ ଏଭଳି ପ୍ରସ୍ତାବ ଆଣିଛି। ତେବେ ଅଶୋକ ଗେହଲୋଟ୍ ଏପରି ବଡ଼ ଦାୟିତ୍ବ ନେବାକୁ କିମ୍ବା ଜୟପୁର ବାହାରକୁ ଯିବାକୁ ଅନିଚ୍ଛା ପ୍ରକାଶ କରୁଥିବା ଜଣାଯାଇଛି।