ନୂଆଦିଲ୍ଲୀ: କଂଗ୍ରେସର ପୂର୍ବତନ ଜାତୀୟ ମୁଖପାତ୍ର ରୋହନ ଗୁପ୍ତା ଗୁରୁବାର ବିଜେପିରେ ଯୋଗ ଦେଇଛନ୍ତି। ସେ କଂଗ୍ରେସ ବିରୋଧରେ ତାଙ୍କ ‘ଅପମାନ’ ଏବଂ ‘ଚରିତ୍ର ସଂହାର’ କରିଥିବା ଅଭିଯୋଗ କରି ଗତ ମାସରେ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ।
ନୂଆଦିଲ୍ଲୀରେ ବିଜେପି ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ଗୁପ୍ତା କେନ୍ଦ୍ର କେନ୍ଦ୍ର ମନ୍ତ୍ରୀ ହରଦୀପ ସିଂହ ପୁରୀ ଏବଂ ଦଳର ସାଧାରଣ ସମ୍ପାଦକ ବିନୋଦ ତାୱଡେଙ୍କ ଉପସ୍ଥିତିରେ ଦଳରେ ଯୋଗ ଦେଇଛନ୍ତି।
କଂଗ୍ରେସ ଅହମ୍ମଦାବାଦ ପୂର୍ବ ଲୋକସଭା ଆସନରୁ ରୋହନଙ୍କୁ ଟିକେଟ ଦେଇଥିଲା । କିନ୍ତୁ ପିତାଙ୍କ ଅସୁସ୍ଥତା ଦର୍ଶାଇ ସେ ତାଙ୍କ ନାମ ପ୍ରତ୍ୟାହାର କରି ନେଇଥିଲେ। ଏହାର କିଛି ଦିନ ପରେ ସେ କଂଗ୍ରେସ ଦଳ ଛାଡ଼ିଥିଲେ।
ନିକଟରେ କଂଗ୍ରେସର ଅନ୍ୟ ଜଣେ ମୁଖପାତ୍ର ଗୌରବ ବଲ୍ଲଭ ମଧ୍ୟ ବିଜେପିରେ ସାମିଲ ହୋଇଥିଲେ।