ନୂଆଦିଲ୍ଲୀ: ହରିଦ୍ୱାର ଧର୍ମ ସଂସଦରେ ମୁସଲମାନମାନଙ୍କ ବିରୋଧରେ ହେଟ୍ ସ୍ପିଚ୍ ମାମଲାର ସୁପ୍ରିମକୋର୍ଟ ଏହି ମାମଲାରେ ବୁଧବାର ଉତ୍ତରାଖଣ୍ଡ ସରକାରଙ୍କୁ ନୋଟିସ ଜାରି କରି ୧୦ ଦିନ ମଧ୍ୟରେ ଜବାବ ଦାଖଲ କରିବାକୁ କହିଛନ୍ତି। ଏହା ସହିତ କୋର୍ଟ କେନ୍ଦ୍ର ଏବଂ ଦିଲ୍ଲୀ ପୋଲିସକୁ ମଧ୍ୟ ନୋଟିସ ଦେଇଛନ୍ତି।
ଜାନୁଆରୀ ୨୩ରେ ଅଲିଗଡରେ ହେବାକୁ ଥିବା ଧର୍ମ ସଂସଦକୁ ରୋକିବା ପାଇଁ ସ୍ଥାନୀୟ କର୍ତ୍ତୃପକ୍ଷଙ୍କ ନିକଟକୁ ଯାଇପାରିବେ ବୋଲି ସର୍ବୋଚ୍ଚ ନ୍ୟାୟାଳୟ ଆବେଦନକାରୀଙ୍କୁ କହିଛନ୍ତି ।
ହରିଦ୍ୱାର ଧର୍ମ ସଂସଦରେ ହେଟ୍ ସ୍ପିଚ୍ ମାମଲାରେ ଦାୟର ହୋଇଥିବା ଏକ ପିଟିସନର ଶୁଣାଣି କରି ଭାରତର ପ୍ରଧାନ ବିଚାରପତି ଜଷ୍ଟିସ ଏନଭି ରମନ୍ନା କହିଛନ୍ତି ଯେ ଆମେ ବର୍ତ୍ତମାନ ଏହି ପ୍ରସଙ୍ଗରେ କିଛି କହିବାକୁ ଚାହୁଁନାହୁଁ। ଆମେ ରାଜ୍ୟ ସରକାରଙ୍କୁ ଏକ ନୋଟିସ ଜାରି କରିବୁ ଏବଂ ଏହାର ଉତ୍ତର ଦାବି କରିବୁ। ଏହାପୂର୍ବରୁ ଆବେଦନକାରୀଙ୍କ ତରଫରୁ କପିଲ ସିବଲ କହିଥିଲେ ଯେ ମୁଁ ଏହି ମାମଲାକୁ ସମ୍ବେଦନଶୀଳ କରିବାକୁ ଚାହୁଁ ନାହିଁ। କୋର୍ଟ ଟ୍ରାନ୍ସକ୍ରିପ୍ଟ ପଢନ୍ତୁ | ଏହି ପ୍ରସଙ୍ଗରେ କେନ୍ଦ୍ରକୁ ନୋଟିସ ମଧ୍ୟ ପଠାଯିବା ଉଚିତ ଯାହା ଦ୍ଵାରା ମାମଲାର ଶୀଘ୍ର ଶୁଣାଣି ହେବ।