ମୁମ୍ବାଇ: ସପ୍ତାହର ଶେଷ ଦିନରେ ଅର୍ଥାତ୍ ଶୁକ୍ରବାର ଦିନ ବଜାର ଜବରଦସ୍ତ ଢଙ୍ଗରେ ଖୋଲିଛି | ବଜାର ଖୋଲିବା ମାତ୍ରେ ସେନସେକ୍ସ ନୂତନ ଇତିହାସ ସୃଷ୍ଟି କରିଛି | ସେନ୍ସେକ୍ସ ପ୍ରଥମ ଥର ପାଇଁ ୬୦୧୦୦ ରୁ ଊର୍ଦ୍ଧ୍ବ ଅଙ୍କ ସହ ଖୋଲିଛି | ବଜାର ବର୍ତ୍ତମାନ ଦ୍ରୁତ କାରବାର କରୁଛି | ସମ୍ପ୍ରତି ସେନସେକ୍ସ ୩୫୦ ପଏଣ୍ଟ ବୃଦ୍ଧି ପାଇ ୬୦,୨୦୦ରେ ଏବଂ ନିଫ୍ଟି ୮୦ ପଏଣ୍ଟ ବୃଦ୍ଧି ସହ ୧୭,୯୦୦ ରେ କାରବାର କରୁଛି।
ସେନ୍ସେକ୍ସର ୩୦ଟି ଷ୍ଟକ୍ ମଧ୍ୟରୁ ୧୯ଟି ସେୟାର ଲାଭ ସହିତ ଏବଂ ୧୧ଟି ସେୟାର କ୍ଷତି ସହିତ କାରବାର କରୁଥିବା ଦେଖାଯାଇଛି | ଯେଉଁଥିରେ ଇନଫୋସିସ୍, ଏଚସିଏଲ୍ ଟେକ୍ ଏବଂ ଟିସିଏସ୍ ର ସେୟାର ୧% ରୁ ଅଧିକ ହୋଇଥିବାବେଳେ ଟାଟା ଷ୍ଟିଲର ଅଂଶ ପ୍ରାୟ ୧% ହ୍ରାସ ପାଉଛି।