ଚେନ୍ନାଇ: ତାମିଲନାଡୁର କୁନ୍ନୁର ନିକଟରେ ହେଲିକପ୍ଟର ଦୁର୍ଘଟଣାରେ ଏକମାତ୍ର ଜୀବିତ ବ୍ୟକ୍ତି ଗ୍ରୁପ୍ କ୍ୟାପଟେନ ବରୁଣ ସିଂଙ୍କୁ ଉନ୍ନତ ଚିକିତ୍ସା ପାଇଁ ଗୁରୁବାର ୱେଲିଙ୍ଗଟନ୍ରୁ ବେଙ୍ଗାଲୁରୁକୁ ସ୍ଥାନାନ୍ତର କରାଯାଇଛି।
ଦୁର୍ଘଟଣା ପରେ ଗୁରୁତର ଆହତ ହୋଇଥିବା ଗ୍ରୁପ୍ କ୍ୟାପଟେନ ବରୁଣଙ୍କୁ ବୁଧବାର ୱେଲିଙ୍ଗଟନ୍ର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା।
ଉନ୍ନତ ଚିକିତ୍ସା ପାଇଁ ଗ୍ରୁପ୍ କ୍ୟାପଟେନ ବରୁଣ ସିଂଙ୍କୁ ବେଙ୍ଗାଲୁରୁକୁ ସ୍ଥାନାନ୍ତର କରାଯାଇଛି। ତାଙ୍କ ଅବସ୍ଥା ଗୁରୁତର କିନ୍ତୁ ସ୍ଥିର ଥିବା କୁହାଯାଇଛି। କ୍ୟାପଟେନ ସିଂଙ୍କ ଏପର୍ଯ୍ୟନ୍ତ ତିନିଥର ଅପରେସନ୍ କରାଯାଇଛି।
ରୁଷ୍ ନିର୍ମିତ ହେଲିକପ୍ଟର ଏମ୍ଆଇ -୧୭ଭି୫ ଦୁର୍ଘଟଣାରେ ସିଡିଏସ୍ ବିପିନ ରାୱତ ଓ ତାଙ୍କ ପତ୍ନୀ ମଧୁଲିକାଙ୍କ ସହ ସଶସ୍ତ୍ର ବାହିନୀର ୧୧ ଜଣ କର୍ମଚାରୀ ପ୍ରାଣ ହରାଇଥିଲେ। ଏହି ହେଲିକପ୍ଟରରେ ଗ୍ରୁପ୍ କ୍ୟାପଟେନ୍ ବରୁଣ ସିଂ ୱେଲିଙ୍ଗଟନ୍ର ଡିଫେନ୍ସ ସର୍ଭିସେସ ଷ୍ଟାଫ୍ କଲେଜକୁ ଦେଶର ସର୍ବୋଚ୍ଚ ସେନା ଅଧିକାରୀ ଜେନେରାଲ୍ ରାୱତଙ୍କ ଗସ୍ତ ପାଇଁ ଯୋଗାଯୋଗ ଅଧିକାରୀ ଭାବରେ ଉପସ୍ଥିତ ଥିଲେ। ସେ ସମ୍ପ୍ରତି ଏହି ସମ୍ମାନଜନକ କଲେଜରେ ପ୍ରଶିକ୍ଷକ ଭାବରେ କାର୍ଯ୍ୟ କରୁଛନ୍ତି |