ନୂଆଦିଲ୍ଲୀ: ସରକାରୀ ଚାକିରିରେ ଅନୁସୂଚିତ ଜାତି (ଜନଜାତି) ଏବଂ ଅନୁସୂଚିତ ଜନଜାତି (ଏସଟି) ମାନଙ୍କୁ ପଦୋନ୍ନତି ନିମନ୍ତେ ସଂରକ୍ଷଣ ପ୍ରଦାନ କରିବାରେ କୌଣସି ମାନଦଣ୍ଡ ଧାର୍ଯ୍ୟ କରିବାକୁ ସୁପ୍ରିମକୋର୍ଟ ଶୁକ୍ରବାର ମନା କରି ଦେଇଛନ୍ତି। ଜଷ୍ଟିସ୍ ଏଲ୍ ନାଗେଶ୍ୱର ରାଓଙ୍କ ନେତୃତ୍ୱରେ ଏକ ତିନିଜଣିଆ ଖଣ୍ଡପୀଠ କହିଛନ୍ତି ଯେ ଏସସି / ଏସଟି ପ୍ରତିନିଧିତ୍ୱରେ ଅଭାବ ସମ୍ପର୍କରେ ରାଜ୍ୟ ସରକାର ତଥ୍ୟ ସଂଗ୍ରହ କରିବାକୁ ବାଧ୍ୟ।
ଶୀର୍ଷ ଅଦାଲତ କହିଛନ୍ତି ଯେ ଏସସି / ଏସଟିର ଅନୁପଯୁକ୍ତ ପ୍ରତିନିଧିତ୍ୱ ଜାଣିବା ପାଇଁ ଏହା କୌଣସି ମାନଦଣ୍ଡ ରଖିପାରିବ ନାହିଁ ଏବଂ ରାଜ୍ୟମାନଙ୍କୁ ଏହା କରିବାକୁ ପଡିବ।
ଏହାପୂର୍ବରୁ କେନ୍ଦ୍ର କୋର୍ଟଙ୍କୁ କହିଥିଲା ଯେ ଏହା ସତ ଯେ ସ୍ୱାଧୀନତାର ୭୫ ବର୍ଷ ପୂରଣ ହେଉଛି, କିନ୍ତୁ ଏସସି / ଏସଟି ବର୍ଗର ଲୋକଙ୍କୁ ଉଚ୍ଚ ଜାତିର ଲୋକଙ୍କ ଭଳି ଗୁରୁତ୍ୱ ଦିଆଯାଉ ନାହିଁ। ସୁପ୍ରିମକୋର୍ଟ ୨୬ ଅକ୍ଟୋବର ୨୦୨୧ରେ ଏହା ଉପରେ ଶୁଣାଣି ଶେଷ କରିବାବେଳେ ଏହା ଉପରେ ପରେ ରାୟ ଶୁଣାଇବେ ବୋଲି କହିଥିଲେ।