ଲକ୍ଷ୍ନୈ|: ଉତ୍ତର ପ୍ରଦେଶରେ ତୃତୀୟ ପର୍ଯ୍ୟାୟ ମତଦାନ ଆରମ୍ଭ ହୋଇଛି। ରାଜ୍ୟର ୧୬ ଟି ଜିଲ୍ଲାର ୫୯ଟି ଆସନରେ ସକାଳ ୭ ଟାରୁ ଭୋଟ୍ ଗ୍ରହଣ ଆରମ୍ଭ ହୋଇଛି। ୫୯ ଟି ଆସନରୁ ୬୨୭ ଜଣ ପ୍ରାର୍ଥୀ ଲଢୁଛନ୍ତି। ସେଥିମଧ୍ୟରୁ ୪ ଜଣ ଯୋଗୀ ସରକାରର ଏବଂ ଜଣେ କେନ୍ଦ୍ର ମନ୍ତ୍ରୀ ଅଛନ୍ତି। ୨.୧୫ କୋଟି ଭୋଟର ସେମାନଙ୍କର ମତାଧିକାର ସାବ୍ୟସ୍ତ କରିବେ | ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବଙ୍କ ସମେତ ଏହି ପର୍ଯ୍ୟାୟରେ ଅନେକ ତୁଙ୍ଗ ନେତାଙ୍କ ରାଜନୈତିକ ଭାଗ୍ୟ ପରୀକ୍ଷା ହେବ ।
ତୃତୀୟ ପର୍ଯ୍ୟାୟରେ ଯେଉଁ ହାଇ ପ୍ରୋଫାଇଲ୍ ଆସନ ରହିଛି, ସେଥିମଧ୍ୟରୁ କରହଲ ଅନ୍ୟତମ, ଯେଉଁଠାରୁ ଏସପି ମୁଖ୍ୟ ଅଖିଳେଶ ଯାଦବ ରଣାଙ୍ଗନରେ ଅଛନ୍ତି। ସେ ପ୍ରଥମ ଥର ପାଇଁ ବିଧାନସଭା ନିର୍ବାଚନରେ ଲଢୁଛନ୍ତି। ଏହାଛଡ଼ା କାନପୁରରେ ବିକ୍ରୁ ଏବଂ କନୌଜରେ ମଧ୍ୟ ମତଦାନ ଚାଲିଛି। ଏହା ବ୍ୟତୀତ ଅଖିଳେଶଙ୍କ ଦାଦା ଶିବପାଲ, ପୂର୍ବତନ ବୈଦେଶିକ ବ୍ୟାପାର ମନ୍ତ୍ରୀ ସଲମାନ ଖୁର୍ସିଦଙ୍କ ପତ୍ନୀ ଲୁଇସ୍ ଖୁର୍ସିଦ, ପୂର୍ବତନ ଆଇପିଏସ୍ ଅସୀମ ଅରୁଣଙ୍କ ମଧ୍ୟ ଭାଗ୍ୟ ପରୀକ୍ଷା ହେବ। ଉତ୍ତର ପ୍ରଦେଶରେ ଫେବୃଆରୀ ୧୦ ଏବଂ ୧୪ରେ ୧୧୩ ବିଧାନସଭା ଆସନ ପାଇଁ ଭୋଟ୍ ଗ୍ରହଣ କରାଯାଇଥିଲା।