ଶୋପିଆନ: ଜମ୍ମୁ କାଶ୍ମୀରରେ ସୁରକ୍ଷା ବାହିନୀ ସହ ଏନକାଉଣ୍ଟରରେ ତିନି ଜଣ ଆତଙ୍କବାଦୀ ନିହତ ହୋଇଛନ୍ତି । ଘଟଣାସ୍ଥଳରୁ ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରାଯାଇଛି। ସୋମବାର ଦିନ ଶୋପିଆନ୍ର ତୁଲ୍ରାନ୍ ଅଞ୍ଚଳରେ ଏହି ଏନକାଉଣ୍ଟର ଆରମ୍ଭ ହୋଇଥିଲା | ଏଥିରେ ନିହତ ହୋଇଥିବା ତିନିଜଣ ଆତଙ୍କବାଦୀ ଲସ୍କର ଏ ତଇବାର ଥିଲେ । ସେମାନଙ୍କ ମଧ୍ୟରୁ ଜଣେ ଗଂଦାରବଲ ନିବାସୀ ମୁଖାର୍ ଶାହା ବୋଲି ଜଣାପଡିଛି। ମୁଖର କିଛି ଦିନ ତଳେ ଶ୍ରୀନଗରର ଉଠା ଦୋକାନୀ ବିରେନ୍ଦ୍ର ପାସୱାନଙ୍କୁ ହତ୍ୟା କରିଥିଲା । ସେହି ଆକ୍ରମଣ ପରେ ମୁଖାର୍ ଶୋପିଆନ୍ ପଳାଇ ଯାଇଥିଲା ।
ସେପଟେ ଦିଲ୍ଲୀ ପୋଲିସର ସ୍ପେଶାଲ୍ ସେଲ୍ ଲକ୍ଷ୍ମିନଗର ଅଞ୍ଚଳରୁ ଜଣେ ପାକିସ୍ତାନୀ ଆତଙ୍କବାଦୀଙ୍କୁ ଗିରଫ କରିଛି। କୁହାଯାଉଛି ଯେ ସେ ଦିଲ୍ଲୀରେ ସେ ୧୫ ବର୍ଷ ଧରି ରହୁଥିଲା । ସେ ପାକିସ୍ତାନ ଆତଙ୍କବାଦୀ ସେଲର ଦିଲ୍ଲୀ ମୁଖ୍ୟ ଭାବରେ କାର୍ଯ୍ୟ କରୁଥିଲା ବୋଲି କୁହାଯାଇଛି । ଗିରଫ ଆତଙ୍କବାଦୀଙ୍କ ନାମ ମହମ୍ମଦ ଆଶରଫ ଅଲି। ସେ ପାକିସ୍ତାନର ପଞ୍ଜାବର ନରୋୱାଲର ବାସିନ୍ଦା।