ନୂଆଦିଲ୍ଲୀ: ଲକ୍ଷ୍ମୀପୁର ଘଟଣାକୁ ନେଇ ରାଜନୈତକ ହଟ୍ଟଗୋଳ ମଧ୍ୟରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ର ଆଜି ଦିଲ୍ଲୀରେ ପହଞ୍ଚିଛନ୍ତି। ଅଜୟ ମିଶ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟି ସମଗ୍ର ଘଟଣା ସମ୍ପର୍କରେ ସ୍ପଷ୍ଟୀକରଣ ଦେଇଥିବା ଜଣାପଡିଛି। ଉଭୟଙ୍କ ମଧ୍ୟରେ ଏହି ସାକ୍ଷାତ ପ୍ରାୟ ୨୦ ମିନିଟ୍ ପର୍ଯ୍ୟନ୍ତ ଚାଲିଥିଲା | ତଦନ୍ତରେ ସହଯୋଗ କରିବାକୁ ଅମିତ ଶାହ ଅଜୟ ମିଶ୍ରଙ୍କୁ ନିର୍ଦ୍ଦେଶ ଦେଇଛନ୍ତି। ଲକ୍ଷ୍ମୀପୁର ଘଟଣା ପରେ ଅଜୟ ମିଶ୍ର ପ୍ରଥମ ଥର ପାଇଁ ଦିଲ୍ଲୀ ଆସିଛନ୍ତି।
ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ର ଲକ୍ଷ୍ମୀପୁର ଖେରୀରେ ବିକ୍ଷୋଭରତ ଚାଷୀଙ୍କ ଉପରେ ଗାଡ଼ି ଚଢ଼ାଇଥିବା ଅଭିଯୋଗ ହୋଇଥିଲା । ଏହି ଘଟଣା ପରଠୁ ଅଜୟ ମିଶ୍ର ଏବଂ ଯୋଗୀ ସରକାର ବିରୋଧୀଙ୍କ ଟାର୍ଗେଟରେ ଅଛନ୍ତି । ଏହାଛଡ଼ା କୃଷକ ନେତା ରାକେଶ ଟିକାଏତ୍ ମଧ୍ୟ ଅଜୟ ମିଶ୍ରଙ୍କୁ ବରଖାସ୍ତ କରିବା ଏବଂ ଆଶିଷ ମିଶ୍ରଙ୍କୁ ଗିରଫ କରିବାକୁ ଦାବି କରିଛନ୍ତି।
ଲକ୍ଷ୍ମୀପୁର ହିଂସା ମାମଲାରେ ବିରୋଧୀ ଅଜୟ ମିଶ୍ର ଟେନିଙ୍କୁ କ୍ୟାବିନେଟରୁ ହଟାଇବାକୁ ଦାବି କରୁଥିଲେ ମଧ୍ୟ ସେ ପଦ ବଜାୟ ରଖିବେ ବୋଲି ସୂତ୍ରରୁ ଜଣାପଡିଛି।