ନୂଆଦିଲ୍ଲୀ: ଏବେ ସାରା ବିଶ୍ୱରେ ନାଟୁ-ନାଟୁ ଗୀତର ଧୂମ୍ | ଏସ୍ଏସ୍ ରାଜାମୌଲିଙ୍କ ‘ଆରଆରଆର’ ଫିଲ୍ମର ଏହି ଗୀତ ଏତେ ଲୋକପ୍ରିୟ ହୋଇଛି ଯେ ଏହାକୁ ନେଇ ଅନେକ ଡ୍ୟାନ୍ସ କଭର୍ ପ୍ରସ୍ତୁତ ହେଲାଣି । ଗୋଲଡେନ୍ ଗ୍ଲୋବ ପୁରସ୍କାର ଜିତିବା ପରେ ଏବେ ଏହି ଗୀତ ଓସ୍କାର ପୁରସ୍କାର ଦୌଡ଼ରେ ରହିଛି | ଭାରତରେ ଥିବା ଦକ୍ଷିଣ କୋରିଆ ଦୂତାବାସ ମଧ୍ୟ ନାଟୁ-ନାଟୁ ଗୀତର ଏକ ଡ୍ୟାନ୍ସ କଭର୍ ତିଆରି କରିଛି । ଦକ୍ଷିଣ କୋରିଆ ରାଷ୍ଟ୍ରଦୂତ ସହିତ ଦୂତାବାସର ସମସ୍ତ କର୍ମଚାରୀ ଏହି ଗୀତର ତାଳେ ତାଳେ ନାଚୁଥିବା ଭିଡ଼ିଓ ଭାଇରାଲ ହୋଇଛି।
Lively and adorable team effort. ? https://t.co/K2YqN2obJ2
— Narendra Modi (@narendramodi) February 26, 2023
ଭାରତରେ ଥିବା କୋରିଆ ଦୂତାବାସର ଟ୍ୱିଟର ହ୍ୟାଣ୍ଡେଲରେ ଏହି ଭିଡ଼ିଓ ସେୟାର କରାଯାଇଛି। ଏହି ୫୩ ସେକେଣ୍ଡର ଭିଡିଓରେ ଦକ୍ଷିଣ କୋରିଆ ଦୂତାବାସର ସବୁ କର୍ମଚାରୀମାନେ ନାଟୁ ନାଟୁ ଗୀତରେ ନାଚୁଥିବା ଦେଖିବାକୁ ମିଳୁଛି | ରାଷ୍ଟ୍ରଦୂତ ଚାଙ୍ଗ ଜେ-ବାକ୍ ମଧ୍ୟ ସେମାନଙ୍କ ସହ ଡ୍ୟାନ୍ସ ଷ୍ଟେପ୍ କରୁଛନ୍ତି ।
ଭିଡିଓଟି ଫେବୃଆରୀ ୨୫ରେ ସେୟାର କରାଯାଇଥିବା ବେଳେ ଏପର୍ଯ୍ୟନ୍ତ ଏହାକୁ ୨୦ ଲକ୍ଷ ଭ୍ୟୁ ଓ ୨୫ ହଜାର ଲାଇକ୍ ମିଳିଛି। ଏହି ଭିଡିଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟ ଦୃଷ୍ଟି ଆକର୍ଷଣ କରିଛି। ଭିଡିଓ ସେୟାର କରି ମୋଦୀ କୋରିଆ ଦୂତାବାସ ଟିମ୍ ଉଦ୍ୟମକୁ ପ୍ରଶଂସା କରିଛନ୍ତି।