କିଭ୍: ଲଗାତାର ୧୩ ଦିନ ପାଇଁ ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଜାରି ରହିଛି | କିନ୍ତୁ ଉଭୟ ଦେଶ ପରସ୍ପର ଆଗରେ ମୁଣ୍ଡ ନୁଆଁଇବାକୁ ପ୍ରସ୍ତୁତ ନୁହନ୍ତି। କେବଳ ଏତିକି ନୁହେଁ ଉଭୟ ଦେଶର ନେତାଙ୍କ ମଧ୍ୟରେ ମଧ୍ୟ ଆରୋପ ପ୍ରତ୍ୟାରୋପ ଲାଗି ରହିଛି । ଏସବୁ ମଧ୍ୟରେ ରୁଷ ଦାବି କରିଛି ଯେ ୟୁକ୍ରେନ ରାଷ୍ଟ୍ରପତି ଜେଲେନସ୍କି କିଭ୍ ଛାଡି ବଙ୍କରରେ ଲୁଚି ରହିଛନ୍ତି। କିନ୍ତୁ ବର୍ତ୍ତମାନ ଏହି ଦାବିକୁ ଖଣ୍ଡନ କରି ୟୁକ୍ରେନ ରାଷ୍ଟ୍ରପତି ଜେଲେନସ୍କି ଏକ ଭିଡିଓ ଜାରି କରିଛନ୍ତି। ଏହି ଭିଡିଓରେ ସେ କହିଛନ୍ତି ଯେ ସେ କୌଣସି ବଙ୍କରରେ ଲୁଚି ନାହାଁନ୍ତି ଏବଂ ଯେପର୍ଯ୍ୟନ୍ତ ଏହି ଦେଶଭକ୍ତି ଭରା ଯୁଦ୍ଧରେ ବିଜୟ ହାସଲ ନ କରିଛି ସେପର୍ଯ୍ୟନ୍ତ ସେ କିଭରେ ରହିବେ ।
ଜେଲେନସ୍କି କହିଛନ୍ତି ଯେ ମୁଁ ମଇଦାନ ଛାଡ଼ି ଯାଉନାହିଁ। ଆମେ ସବୁବେଳେ କହିଆସୁଛୁ ଯେ ସୋମବାର ସବୁଠୁ କଷ୍ଟକର ଦିନ | ଆମ ଦେଶରେ ଏକ ଯୁଦ୍ଧ ଚାଲିଛି | ତେଣୁ ଆମ ପାଇଁ ପ୍ରତ୍ୟେକ ଦିନ ସୋମବାର | ସେ କହିଛନ୍ତି ଯେ ମୁଁ କିଭର ବାରକୋଭା ଗଳିରେ ଉପସ୍ଥିତ ଅଛି। ମୁଁ କାହାକୁ ଭୟ କରେ ନାହିଁ । ଏହି ଯୁଦ୍ଧରେ ଜିତିବା ପର୍ଯ୍ୟନ୍ତ ମୁଁ ଏଠାରେ ରହିବି |
ଜେଲେନସ୍କି ଅନ୍ୟ ଏକ ଭିଡିଓ ଜାରି କରି କହିଛନ୍ତି ଯେ ରୁଷକୁ ଭଗବାନ କ୍ଷମା କରିବେ ନାହିଁ। ଆଜି ନୁହେଁ, କାଲି ନୁହେଁ, କେବେ ନୁହେଁ, ଏବଂ କ୍ଷମା ବଦଳରେ ବିଚାରଣା ହେବ | ଆକ୍ରମଣକାରୀଙ୍କ ଦୁଃସାହସ ପାଶ୍ଚାତ୍ୟ ଦେଶ ପାଇଁ ଏକ ସ୍ପଷ୍ଟ ସଙ୍କେତ ଯେ ରୁଷ ଉପରେ କଟକଣା ଯଥେଷ୍ଟ ନୁହେଁ।