ସ୍ବଦେଶ ଫେରିଲା ବିଶ୍ବ ଚାମ୍ପିୟନ ଭାରତୀୟ ଟିମ୍, ବର୍ଷା ସତ୍ତ୍ବେ ଉଚ୍ଛ୍ବସିତ ସ୍ୱାଗତ ଜଣାଇଲେ ପ୍ରଶଂସକ
ନୂଆଦିଲ୍ଲୀ: ଟି-୨୦ ବିଶ୍ୱକପ ଜିତିବା ପରେ ଭାରତୀୟ କ୍ରିକେଟ୍ ଟିମ୍ ଗୁରୁବାର ଏକ ସ୍ୱତନ୍ତ୍ର ବିମାନ ଯୋଗେ ସ୍ବଦେଶ ଫେରିଛନ୍ତି। ଝିପି ଝିପି ବର୍ଷା ସତ୍ତ୍ବେ ଦିଲ୍ଲୀ ବିମାନ ବନ୍ଦରରେ ବହୁ ସଂଖ୍ୟାରେ ପ୍ରଶଂସକ ବିଶ୍ବ ବିଜୟୀ ଭାରତୀୟ ଦଳକୁ ଉଚ୍ଛ୍ବସିତ ସ୍ୱାଗତ ଜଣାଇଥିଲେ । କଡ଼ା ସୁରକ୍ଷା ବ୍ୟବସ୍ଥା ଯୋଗୁଁ ପ୍ରଶଂସକମାନେ ଖେଳାଳିଙ୍କଠାରୁ ଏକ ନିର୍ଦ୍ଦିଷ୍ଟ ଦୂରରେ ରହିଥିଲେ। ବିଶ୍ବ ଚାମ୍ପିୟନ ଭାରତୀୟ ଦଳ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବେ । ଏହାପରେ ଟିମ୍ [...]
ନୂଆଦିଲ୍ଲୀ: ଟି-୨୦ ବିଶ୍ୱକପ ଜିତିବା ପରେ ଭାରତୀୟ କ୍ରିକେଟ୍ ଟିମ୍ ଗୁରୁବାର ଏକ ସ୍ୱତନ୍ତ୍ର ବିମାନ ଯୋଗେ ସ୍ବଦେଶ ଫେରିଛନ୍ତି। ଝିପି ଝିପି ବର୍ଷା ସତ୍ତ୍ବେ ଦିଲ୍ଲୀ ବିମାନ ବନ୍ଦରରେ ବହୁ ସଂଖ୍ୟାରେ ପ୍ରଶଂସକ ବିଶ୍ବ ବିଜୟୀ ଭାରତୀୟ ଦଳକୁ ଉଚ୍ଛ୍ବସିତ ସ୍ୱାଗତ ଜଣାଇଥିଲେ । କଡ଼ା ସୁରକ୍ଷା ବ୍ୟବସ୍ଥା ଯୋଗୁଁ ପ୍ରଶଂସକମାନେ ଖେଳାଳିଙ୍କଠାରୁ ଏକ ନିର୍ଦ୍ଦିଷ୍ଟ ଦୂରରେ ରହିଥିଲେ। ବିଶ୍ବ ଚାମ୍ପିୟନ ଭାରତୀୟ ଦଳ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବେ । ଏହାପରେ ଟିମ୍ ଇଣ୍ଡିଆ ଅପରାହ୍ନରେ ମୁମ୍ବାଇରେ ଏକ ରୋଡ୍ ସୋ’ କରିବା କାର୍ଯ୍ୟକ୍ରମ ରହିଛି।
ବର୍ଷା ସତ୍ତ୍ବେ ଶହ ଶହ ପ୍ରଶଂସକ ଟିମ୍ ଇଣ୍ଡିଆ ସମର୍ଥନରେ ସ୍ଲୋଗାନ ଦେବାସହ ବ୍ୟାନର ଓ ଜାତୀୟ ପତାକା ଧରି ଖେଳାଳିମାନଙ୍କୁ ଅଭିନନ୍ଦନ ଜଣାଇଥିଲେ। ଗତ ଶନିବାର (ଜୁନ୍ ୨୯) ଟି-୨୦ ବିଶ୍ୱକପ ଫାଇନାଲରେ ଭାରତ ୭ ରନରେ ଦକ୍ଷିଣ ଆଫ୍ରିକାକୁ ପରାସ୍ତ କରି ଟ୍ରଫି ଜିତିଥିଲା।
୨୦୧୧ରେ ଭାରତର ଶେଷ ବିଶ୍ୱକପ୍ ବିଜୟକୁ ମନେ ପକାଇ ଜଣେ ପ୍ରଶଂସକ କହିଛନ୍ତି, “ଆମେ ଗତ ୧୩ ବର୍ଷ ଧରି ଏହି ମୁହୂର୍ତ୍ତକୁ ଅପେକ୍ଷା କରିଥିଲୁ। ବିଶ୍ୱକପ ଜିତି ଦଳ ଆମକୁ ଗର୍ବିତ କରିଛି। ଟିମ୍ ଇଣ୍ଡିଆକୁ ସ୍ବାଗତ କରିବା ଲାଗି ସେ ଭୋର ପ୍ରାୟ ୪.୩୦ରୁ ଏଠାରେ ଅଛନ୍ତି ବୋଲି ପ୍ରଶଂସକ ଜଣକ ଦାବି କରିଛନ୍ତି।
ଭାରତୀୟ ଦଳକୁ ନେଇ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ AIC24WC ‘ଏୟାର ଇଣ୍ଡିଆ ଚାମ୍ପିଅନ୍ସ ୨୪ ବିଶ୍ୱକପ’ ବୁଧବାର ଭାରତୀୟ ସମୟାନୁସାରେ ଭୋର ୪.୫୦ ରେ ବାର୍ବାଡୋସରୁ ଉଡ଼ାଣ ଭରିଥିଲା। ପ୍ରାୟ ୧୬ ଘଣ୍ଟା ଅବିରତ ଯାତ୍ର ପରେ ଭାରତୀୟ ଦଳ ଗୁରୁବାର ସକାଳ ୬ଟାରେ (ଭାରତୀୟ ସମୟ) ଦିଲ୍ଲୀରେ ପହଞ୍ଚିଛି।
ଘୂର୍ଣ୍ଣିଝଡ଼ ‘ବେରିଲ୍’ କାରଣରୁ ବାର୍ବାଡୋସରେ ବିମାନ ଚଳାଚଳ ବନ୍ଦ ଥିବାରୁ ଭାରତୀୟ ଦଳ ଟାଇଟଲ୍ ଜିତିବା ପରେ ତୁରନ୍ତ ସ୍ବଦେଶ ଫେରିପାରି ନଥିଲା। ଏହି ସମୟ ମଧ୍ୟରେ ପୁରା ଟିମ୍ ନିଜ ହୋଟେଲରେ ରହିଥିଲେ |
ଶ୍ରୀଜୀଉଙ୍କ ଅନନ୍ୟ ପରମ୍ପରା ଶ୍ରୀକ୍ଷେତ୍ରରେ ସମ୍ପର୍ଣ୍ଣ ହୋଇଛି ରାଜ ପ୍ରସାଦ ବିଜେ ନୀତି
Next Articleରଥ ନିର୍ମାଣ କାର୍ଯ୍ୟର ୫୫ ତମ ଦିବସ , ତିନି ରଥରେ ପାର୍ଶ୍ଵ ଦେବ ଦେବୀ ସଂସ୍ଥାପିତ
Related Articles
ପରିଚାଳନା କର୍ତ୍ତୃପକ୍ଷ ଓ ୟୁନିଅନ ମଧ୍ୟରେ ଆଲୋଚନା ବିଫଳ: ମୁଖ୍ୟ କାର୍ଯ୍ୟାଳୟ, ଆଞ୍ଚଳିକ କାର୍ଯ୍ୟାଳୟ ଓ ସମସ୍ତ ବ୍ଲକ ମୁଖ୍ୟାଳୟରେ ଘେରାଉ ଓ ବିକ୍ଷୋଭ
ବ୍ରହ୍ମପୁର: ଆସୋସିଏସନ୍ ଅଫ୍ ଓଡ଼ିଶା ଗ୍ରାମୀଣ ବ୍ୟାଙ୍କ ଅଫିସର୍ସ ଏବଂ ଓଡ଼ିଶା ଗ୍ରାମୀଣ ବ୍ୟାଙ୍କ ଏମ୍ପ୍ଲୟୀଜ୍ ଆସୋସିଏସନ୍ ର ମିଳିତ ଆନ୍ଦୋଳନ କାର୍ଯ୍ୟକ୍ରମ ଅନୁଯାୟୀ ଆଜି ସମଗ୍ର ଓଡ଼ିଶାରେ ବ୍ୟାଙ୍କର ମୁଖ୍ୟ କାର୍ଯ୍ୟାଳୟ, ସମସ୍ତ ଆଞ୍ଚଳିକ କାର୍ଯ୍ୟାଳୟ ଏବଂ ସମସ୍ତ ବ୍ଲକ ମୁଖ୍ୟାଳୟ ଶାଖା ସମ୍ମୁଖରେ ଅଧିକାରୀ ଓ କର୍ମଚାରୀମାନେ ଶାନ୍ତିପୂର୍ଣ୍ଣ ଘେରାଉ ଓ ବିକ୍ଷୋଭ ପ୍ରଦର୍ଶନ କରିଥିଲେ। ଗତ ୨୯ ଜୁଲାଇରେ ବ୍ୟାଙ୍କ ପରିଚାଳନା କର୍ତ୍ତୃପକ୍ଷ ଓ ପ୍ରତିନିଧି ୟୁନିଅନମାନଙ୍କ ମଧ୍ୟରେ ୨୦ ଦଫା ଦାବିପତ୍ର [...]
ଓଡ଼ିଶା ଗ୍ରାମୀଣ ବ୍ୟାଙ୍କ ପକ୍ଷରୁ ରକ୍ତଦାନ ଓ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ
ବ୍ରହ୍ମପୁର: ଓଡ଼ିଶା ଗ୍ରାମୀଣ ବ୍ୟାଙ୍କର ପ୍ରତିଷ୍ଠା ଦିବସ ଅବସରରେ ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ବ୍ରହ୍ମପୁର ମ୍ୟୁନିସିପାଲିଟି ଶାଖା ପରିସରରେ ଏକ ବିଶାଳ ରକ୍ତଦାନ ଏବଂ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିବା ବେଳେ ପ୍ରାୟ ୬୦ ଜଣ ବ୍ୟକ୍ତିଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇଛି। ଏହି କାର୍ଯ୍ୟକ୍ରମରେ ବ୍ରହ୍ମପୁର ଆଞ୍ଚଳିକ ପ୍ରବନ୍ଧକ ଚନ୍ଦନ କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିବା [...]
ନ୍ୟାୟ ସଂହିତା ପ୍ରଦର୍ଶନୀରେ ଓଡ଼ିଶା ପୋଲିସର ଐତିହାସିକ କପୋତ ସେବା ପ୍ରଦର୍ଶିତ
ଭୁବନେଶ୍ୱର: ଭୁବନେଶ୍ୱରସ୍ଥିତ ୟୁନିଟ୍–୩, IDCO ପ୍ରଦର୍ଶନୀ ପଡିଆରେ ଆୟୋଜିତ ‘ନ୍ୟାୟ ସଂହିତା ପ୍ରଦର୍ଶନୀ’ରେ ଆଜି ବିଶ୍ୱର ଏକମାତ୍ର କାର୍ଯ୍ୟକ୍ଷମ ଓଡ଼ିଶା ପୋଲିସ କପୋତ ସେବାର ପ୍ରଦର୍ଶନ କରାଯାଇଛି। ଏହି ଅବସରରେ ଭୁବନେଶ୍ୱରରୁ କଟକ ଅଭିମୁଖେ ଦୁଇଟି ଦଳରେ ୧୮ଟି ବେଲଜିୟମ ହୋମର ପାରାଙ୍କୁ ପଠାଯାଇଛି। ଏହି ପାରାମାନେ ନିଜ ଗୋଡ଼ରେ ବନ୍ଧାଯାଇଥିବା ଛୋଟ କ୍ୟାପସୁଲ ମାଧ୍ୟମରେ ଗୁରୁତ୍ୱପୂର୍ଣ୍ଣ ବାର୍ତ୍ତା ନେଇ ଆକାଶ ମାର୍ଗରେ ଗତି କରି ପୁରାତନ ‘ପିଜନ ପୋଷ୍ଟ’ର ସ୍ମୃତି ଚାରଣ କରିଛନ୍ତି। ଏହି ବେଲଜିୟମ [...]