ବୁଗୁଡ଼ା: ବୁଗୁଡ଼ା ବନାଞ୍ଚଳ ଅନ୍ତର୍ଗତ ବେଲପଡା ଗ୍ରାମ ନିକଟ ଧାନ କିଆରିରୁ ଛୁଆ ହାତୀର ମୃତଦେହ ଠାବ ଘଟଣାରେ ୪ ଜଣଙ୍କୁ ବନ ବିଭାଗ ଗିରଫ କରି ବୁଧବାର କୋର୍ଟଚାଲାଣ କରିଛି। ଗିରଫ ଅଭିଯୁକ୍ତମାନେ ହେଲେ ବେଲପଡା ଗ୍ରାମର ପୂର୍ଣଚନ୍ଦ୍ର ନାୟକ (୪୭), ମହେଶ୍ଵର ନାୟକ (୫୦), କୃଷ୍ଣଚନ୍ଦ୍ର ନାୟକ (୩୫) ଓ ଭିକାରୀ ସ୍ବାଇଁ (୩୫)। ଏହି ଘଟଣାରେ ଆଉ ଜଣେ ଫେରାର୍ ଥିବା ଜଣାଯାଇଛି। ଏ ନେଇ ବୁଗୁଡା ବନ ବିଭାଗ ପକ୍ଷରୁ କେସ୍ ନମ୍ବର ୨୫୬/୨୦୨୨ – ୨୩ ରୁଜୁ ହୋଇଥିବା ଏସିଏଫ୍ ପ୍ରଭାକର ନାୟକଙ୍କ ସୂତ୍ରରୁ ପ୍ରକାଶ। ଗତ ସୋମବାର ସକାଳେ ହାତୀ ଛୁଆର ମୃତଦେହ ଠାବ କରାଯାଇଥିଲା। ବିଦ୍ୟୁତ୍ ଫାସରେ ପଡି ହାତୀ ଛୁଆର ମୃତ୍ୟୁ ଘଟିଥିବା ସ୍ପଷ୍ଟ କରିଥିଲେ ଶବ ବ୍ୟବଚ୍ଛେଦ କରିଥିବା ସ୍ଥାନୀୟ ପଶୁ ଚିକିତ୍ସକ।