ନୂଆଦିଲ୍ଲୀ: ଆଦାନୀ ଗ୍ରୁପ-ହିଣ୍ଡେନବର୍ଗ ବିବାଦ ନେଇ କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ରଙ୍କୁ ଟାର୍ଗେଟ କରିଛନ୍ତି । ସରକାର ସଂସଦରେ ଏହି ପ୍ରସଙ୍ଗ ଉପରେ ଆଲୋଚନା କରିବାକୁ ଚାହୁଁନାହାଁନ୍ତି ବୋଲି ରାହୁଲ କହିଛନ୍ତି ।
ରାହୁଲ ଗାନ୍ଧୀ କହିଛନ୍ତି, “ସରକାର ନୁହେଁ ବରଂ ମୋଦୀ ଜୀ ଯଥାସମ୍ଭବ ଚେଷ୍ଟା କରିବେ ଯେ ସଂସଦରେ ଯେପରି ଆଦାନୀ ଉପରେ ଆଲୋଚନା ନ ହେଉ । ଏହାର କାରଣ ସମସ୍ତେ ଜାଣିଛନ୍ତି।
ମୁଁ ଦୁଇ ତିନି ବର୍ଷ ଧରି ଏହି ପ୍ରସଙ୍ଗ ଉଠାଇ ଆସିଛି ଏବଂ ମୁଁ ଏ ବିଷୟରେ ଆଲୋଚନା କରିବାକୁ ଚାହୁଁଛି । କ୍ଷୀର କେତେ ପାଣି କେତେ ତାହା ସ୍ପଷ୍ଟ ହେବା ଉଚିତ ବୋଲି ସେ କହିଛନ୍ତି।
ଯେଉଁ ବହୁ ଲକ୍ଷ କୋଟି ଟଙ୍କାର ଦୁର୍ନୀତି ହୋଇଛି, ଭାରତର ଯେଉଁ ଭିତ୍ତିଭୂମି କବଜା କରାଯାଇଛି, ସେ ବିଷୟରେ ଆଲୋଚନା ହେବା ଉଚିତ୍ । ଦେଶ ମଧ୍ୟ ଜାଣିବା ଉଚିତ୍ ଯେ ଆଦାନୀଙ୍କ ପଛରେ କେଉଁ ଶକ୍ତି ରହିଛି ?
ରବିବାର କଂଗ୍ରେସ ଦଳ କହିଥିଲା ଯେ ଆଦାନୀ ଗ୍ରୁପ୍ ପ୍ରସଙ୍ଗରେ ସରକାରଙ୍କ ନିରବତା ସରକାର ଏବଂ ଆଦାନୀଙ୍କ ମଧ୍ୟରେ ମଧୁଚନ୍ଦ୍ରିକାକୁ ସୂଚାଉଛି।
ଏହାଛଡ଼ା କଂଗ୍ରେସ କହିଛି ଯେ ଏହି ମାମଲାରେ ମଧ୍ୟ କେନ୍ଦ୍ର ସରକାରଙ୍କୁ ପ୍ରତିଦିନ ତିନୋଟି ପ୍ରଶ୍ନ ପଚରାଯିବ।