ଚେନ୍ନାଇ: ତାମିଲନାଡୁରେ କରୋନା ସଂକ୍ରମଣ କମୁଥିଲେ ମଧ୍ୟ ରାଜ୍ୟ ସରକାର ବର୍ତ୍ତମାନ କଟକଣା ସମ୍ପୂର୍ଣ୍ଣ ଉଠାଇବା ମୁଡ୍ ରେ ନାହାଁନ୍ତି। ଲକଡାଉନ୍ ଅବଧିକୁ ଏମ.କେ ଷ୍ଟାଲିନ ସରକାର ଜୁଲାଇ ୧୯ ପର୍ଯ୍ୟନ୍ତ ବଢ଼ାଇଛନ୍ତି। ତେବେ କିଛି କଟକଣା କୋହଳ ମଧ୍ୟ କରାଯାଇଛି। ହୋଟେଲ, ଚା ଦୋକାନ, ବେକେରୀ, ରାସ୍ତା କଡ଼ରେ ଥିବା ଦୋକାନ, ଜଳଖିଆ ଦୋକାନ ୫୦ ପ୍ରତିଶତ ଗ୍ରାହକ କ୍ଷମତା ସହିତ ରାତି ୯ଟା ପର୍ଯ୍ୟନ୍ତ ଖୋଲିପାରିବ | ଏଥିସହିତ ସ୍କୁଲ, କଲେଜ, ପ୍ରେକ୍ଷାଳୟ, ବାର, ସୁଇମିଂ ପୁଲ, ପ୍ରାଣୀ ଉଦ୍ୟାନ ବନ୍ଦ ରହିବ।
ଆନ୍ତଃ ରାଜ୍ୟ ପରିବହନ (ପୁଡୁଚେରୀ ବ୍ୟତୀତ) ଏବଂ ସାମାଜିକ, ରାଜନୈତିକ ଓ ସାଂସ୍କୃତିକ କାର୍ଯ୍ୟକ୍ରମ ନିଷେଧ କରାଯାଇଛି | ପୁଡୁଚେରୀ ପାଇଁ ବସ୍ ଚଳାଚଳ ଜାରି ରହିବ | ଦୋକାନ ଏବଂ ଅନ୍ୟାନ୍ୟ ଗତିବିଧି ଯାହା ରାତି ୮ଟା ପର୍ଯ୍ୟନ୍ତ ପୂର୍ବରୁ ଅନୁମତି ଦିଆଯାଇଥିଲା, ବର୍ତ୍ତମାନ ରାତି ୯ଟା ପର୍ଯ୍ୟନ୍ତ ଜାରି ରହିବ |
Comments are closed.