ଢାକା: ଏସୀୟ ଚାମ୍ପିଅନ୍ସ ଟ୍ରଫି ହକି ଟୁର୍ଣ୍ଣାମେଣ୍ଟରେ ଭାରତ ଶୁକ୍ରବାର ଏକ ମ୍ୟାଚରେ ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ୩-୧ ଗୋଲରେ ହରାଇ ଦେଇଛି | ଅଲିମ୍ପିକ୍ ବ୍ରୋଞ୍ଜ ପଦକ ବିଜେତା ଭାରତ ତୃତୀୟ କ୍ୱାର୍ଟର୍ ପର୍ଯ୍ୟନ୍ତ ଚମତ୍କାର ପ୍ରଦର୍ଶନ ସହ ୨ଟି ଗୋଲ୍ ଦେଇଥିଲା । ପାକିସ୍ତାନ ତୃତୀୟ କ୍ୱାର୍ଟରର ଶେଷ ମୁହୂର୍ତ୍ତରେ ପ୍ରଥମ ଗୋଲ ସ୍କୋର କରିବାରେ ସଫଳ ହୋଇଥିଲା। ମ୍ୟାଚର ଚତୁର୍ଥ କ୍ୱାର୍ଟର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା । ମନପ୍ରୀତ ସିଂଙ୍କ ନେତୃତ୍ୱାଧୀନ ଦଳ ପୁଣି ଥରେ ପ୍ରତ୍ୟାବର୍ତ୍ତନ କରି ମ୍ୟାଚକୁ ୩-୧ ଗୋଲରେ ଜିତିଥିଲା। ଭାରତ ପାଇଁ ହରମନପ୍ରୀତ ସିଂ ଦୁଇଟି ଗୋଲ ସ୍କୋର କରିଥିବାବେଳେ ଆକାଶଦୀପ ଗୋଟିଏ ଗୋଲ ଦେଇଥିଲେ। ଟୁର୍ଣ୍ଣାମେଣ୍ଟରେ ଭାରତର ଏହା କ୍ରମାଗତ ଦ୍ବିତୀୟ ବିଜୟ ।
ଶେଷ ଥର ପାଇଁ ଏହି ଦୁଇ ଦଳ ଏସିଆନ୍ ଚାମ୍ପିଅନ୍ସ ଟ୍ରଫିର ଲିଗ୍ ପର୍ଯ୍ୟାୟରେ ଭେଟିଥିଲେ । ସେହିଥର ମଧ୍ୟ ଭାରତ ୩-୧ରେ ଜିତିଥିଲା | ୨୦୧୮ରେ ଅନୁଷ୍ଠିତ ଶେଷ ସଂସ୍କରଣରେ ଉଭୟ ଦଳ ଯୁଗ୍ମ ବିଜେତା ଘୋଷିତ ହୋଇଥିଲେ | ବର୍ଷା ଯୋଗୁଁ ମସ୍କାଟରେ ହୋଇଥିବା ମ୍ୟାଚ୍ ଧୋଇ ହୋଇଯାଇଥିଲା |
Comments are closed.