ସୋନିଆଙ୍କୁ ଭେଟିଲେ ପ୍ରଶାନ୍ତ କିଶୋର, କଂଗ୍ରେସରେ ଯୋଗ ଦେବା ନେଇ ଚର୍ଚ୍ଚା

ନୂଆଦିଲ୍ଲୀ: ବର୍ତ୍ତମାନ ପର୍ଯ୍ୟନ୍ତ ଅନେକ ରାଜନୈତିକ ଦଳର ରଣନୀତିକ ପରାମର୍ଶଦାତା ଭାବରେ କାର୍ଯ୍ୟ କରିଥିବା ପ୍ରଶାନ୍ତ କିଶୋର ଆଜି କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ତାଙ୍କ ୧୦ ଜନପଥ ସ୍ଥିତ ବାସଭବନରେ ସାକ୍ଷାତ କରିଛନ୍ତି | ସୋନିଆଙ୍କ ସହ ସାକ୍ଷାତ ପରେ କିଶୋରଙ୍କ କଂଗ୍ରେସରେ ଯୋଗ ଦେବା ଚର୍ଚ୍ଚା ପୁଣି ଜୋର ଧରିଛି ।

କିଶୋର-ସୋନିଆ ସାକ୍ଷାତ ସମୟରେ କଂଗ୍ରେସର ବହୁ ବରିଷ୍ଠ ନେତା ମଧ୍ୟ ଉପସ୍ଥିତ ଥିଲେ। ସୋନିଆ ଙ୍କୁ ଭେଟିବା ପରେ କିଶୋର କିଛି ବଡ ଘୋଷଣା କରିବାକୁ ଯାଉଛନ୍ତି ବୋଲି ମନେ କରାଯାଉଛି।

ଗୁଜୁରାଟ ନିର୍ବାଚନରେ ​​ପ୍ରଶାନ୍ତ କିଶୋରଙ୍କୁ କଂଗ୍ରେସ ଏକ ବଡ଼ ଭୂମିକା ଦେଇପାରେ ବୋଲି ଗତ କିଛି ଦିନ ହେବ କଳ୍ପନାଜଳ୍ପନା ଚାଲିଛି। ଏହାପୂର୍ବରୁ ଏକ ସାକ୍ଷାତକାରରେ ପ୍ରଶାନ୍ତ ନିଜେ ନିଜର ରାଜନୈତିକ ଭବିଷ୍ୟତ ବିଷୟରେ ଏକ ବଡ଼ ଘୋଷଣା କରିବା ବିଷୟରେ କହିଥିଲେ।