ନୂଆପଡ଼ା, ୧୩/୦୫: ବିବାହିତ ମହିଳାଙ୍କ ସନ୍ଦେହ ଜନକ ମୃତ୍ୟୁକୁ ନେଇ ଉତ୍ତେଜନା । ବାପଘର ଲୋକେ ଆଣିଲେ ହତ୍ୟା ଅଭିଯୋଗ । ଆତ୍ମହତ୍ୟା କହି ଖଡିଆଳ ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଶାଶୁଘର ଲୋକେ ମୃତଦେହକୁ ବ୍ୟବଚ୍ଛେଦ ନକରି ଘରକୁ ନେଇ ଯାଇଥିଲେ।
ଯାହାକୁ ବାପଘର ଲୋକେ ପ୍ରତିବାଦ କରିବା ସହ ପୋଲିସକୁ ଖବର ଦେଇଥିଲେ । ଖବର ପାଇ ଖଡିଆଳ ପୋଲିସ ଶବ ଜବତ କରିବା ପରେ ଉଭୟ ଗୋଷ୍ଠୀ ଥାନାକୁ ଯାଇଥିଲେ । ପରେ ଥାନା ଭିତରେ ଉଭୟଙ୍କ ମଧ୍ୟରେ ପାଟିତୁଣ୍ଡ ହେବାର ଭିଡିଓ ଉତ୍ତୋଳନ କରୁଥିବା ସମୟରେ ଜଣେ ସାମ୍ବାଦିକଙ୍କ ମୋବାଇଲ ଛଡେଇ ନେବା ସହ ତଳେ ପକାଇ ମାଡ ମରା ଯାଇଛି । କିଏ ହାତରେ ତ ଆଉ କିଏ ଲାତ ମାରୁଥିବା ଭିଡିଓରେ ସ୍ପଷ୍ଟ ଜଣା ପଡୁଛି ।
ଯାହାକୁ ନେଇ ୧୦ ରୁ ଉର୍ଦ୍ଧ୍ୱ ଲୋକଙ୍କୁ ଥାନାରେ ଅଟକ ରଖା ଯାଇଥିବା ବେଳେ ସିସିଟିଭି ଫୁଟେଜ ସହାୟତାରେ ଚିହ୍ନଟ କରିବା ସହ ଦୋଷି ଙ୍କୁ ଗିରଫ କରାଯିବ ବୋଲି ସୁଚନା ଦେଇଛନ୍ତି ଖଡିଆଳ SDPO ସନ୍ତକ ଜେନା । କାର୍ଯ୍ୟରତ ସାମ୍ବାଦିକଙ୍କ ଉପରେ ଏଭଳି ମାରଣାନ୍ତକ ଆକ୍ରମଣକୁ ନୂଆପଡା ଜିଲ୍ଲାର ବିଭିନ୍ନ ସାମ୍ବାଦିକ ସଂଘ ନିନ୍ଦା କରିବା ସହ ଦୋଷି ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବିରେ ଆଜି ଖଡିଆଳ ଥାନା ସାମ୍ନାରେ ଏଭଳି ଘଟଣାର ପ୍ରତିବାଦ କରିବେ ବୋଲି ଜଣାପଡ଼ିଛି ।
Comments are closed.