ପୁଣି ମୋଦି ସରକାରଙ୍କୁ ବରୁଣ ଗାନ୍ଧୀଙ୍କ ଟାର୍ଗେଟ, କହିଲେ ଦେଶରେ ୬୦ ଲକ୍ଷ ପଦ ଖାଲି, ୩ ଦଶନ୍ଧିରେ ବେକାରୀ ସର୍ବୋଚ୍ଚ ସ୍ତରରେ

ନୂଆଦିଲ୍ଲୀ: ବିଜେପି ସାଂସଦ ବରୁଣ ଗାନ୍ଧୀ ପୁଣି ଥରେ ନିଜ ଦଳର ସରକାରକୁ ଟାର୍ଗେଟ କରିଛନ୍ତି।ଋ ଏଥର ସେ ବେକାରୀ ପ୍ରସଙ୍ଗରେ ତାଙ୍କ ସରକାରଙ୍କ ଉଦାସୀନତା ଉପରେ ପ୍ରଶ୍ନ ଉଠାଇଛନ୍ତି। ଦେଶରେ ମୁଦ୍ରାସ୍ଫୀତି ପରେ ବେକାରୀ ସମସ୍ୟା ହେଉଛି ସବୁଠାରୁ ବଡ଼ ପ୍ରସଙ୍ଗ | ବେକାରୀ ପ୍ରସଙ୍ଗରେ ବିରୋଧୀ ସରକାରଙ୍କୁ ସମାଲୋଚନା କରୁଥିବା ବେଳେ ଏବେ ବିଜେପି ସାଂସଦ ମଧ୍ୟ ଏହି ସମସ୍ୟା ନେଇ ନିଜ ସରକାରଙ୍କୁ ପ୍ରଶ୍ନ କରିଛନ୍ତି।

କେନ୍ଦ୍ରରେ ସେନା, ପୋଲିସ, ସ୍ୱାସ୍ଥ୍ୟ ଇତ୍ୟାଦି ବିଭିନ୍ନ ବିଭାଗରେ ଖାଲି ପଡ଼ିଥିବା ପଦବୀ ସମ୍ପର୍କରେ ବିଜେପି ସାଂସଦ ବରୁଣ ଗାନ୍ଧୀ ଟୁଇଟ୍ କରିଛନ୍ତି। ସେ କହିଛନ୍ତି, “ଯେତେବେଳେ ବେକାରି ୩ ଦଶନ୍ଧିର ସର୍ବୋଚ୍ଚ ସ୍ତରରେ ରହିଛି, ଏହି ପରିସଂଖ୍ୟାନ ଆଶ୍ଚର୍ଯ୍ୟଜନକ । ନିଯୁକ୍ତି ଅଭାବରୁ କୋଟି କୋଟି ଯୁବକ ନିରାଶ ଓ ହତାଶ ହୋଇଥିବାବେଳେ ଦେଶରେ ୬୦ ଲକ୍ଷ ‘ଅନୁମୋଦିତ’ ସରକାରୀ ପଦ ଖାଲି ପଡ଼ିଛି ।”

ବିଜେପି ସାଂସଦ ବରୁଣ ଗାନ୍ଧୀ ସରକାରଙ୍କ ଭୁଲ ନୀତିକୁ ନେଇ ସବୁବେଳେ ପ୍ରଶ୍ନ ଉଠାଇଛନ୍ତି, ଯଦିଓ କେନ୍ଦ୍ରରେ ତାଙ୍କ ଦଳର ହିଁ ସରକାର ଅଛି | ଦେଶରେ ଖାଲି ପଡ଼ିଥିବା ସରକାରୀ ପଦ ପୂରଣ ନ କରିବାର କେନ୍ଦ୍ରର ଉଦ୍ଦେଶ୍ୟ କ’ଣ ବୋଲି ସେ ପ୍ରଶ୍ନ କରିଛନ୍ତି । ଖାଲି ପଡ଼ିଥିବା ସରକାରୀ ପଦ ସମ୍ପର୍କରେ ବରୁଣ ଗାନ୍ଧୀ କେନ୍ଦ୍ରରେ ମୋଦି ସରକାରଙ୍କୁ ସିଧାସଳଖ ଆକ୍ରମଣ କରିଛନ୍ତି।

जब बेरोजगारी 3 दशकों के सर्वोच्च स्तर पर है तब यह आँकड़े चौंकाने वाले हैं।

जहां भर्तियाँ न आने से करोड़ों युवा हताश व निराश है, वहीं ‘सरकारी आँकड़ों’ की ही मानें तो देश में 60 लाख ‘स्वीकृत पद’ खाली हैं।

कहाँ गया वो बजट जो इन पदों के लिए आवंटित था?

यह जानना हर नौजवान का हक है! pic.twitter.com/dxtn64IeRz

— Varun Gandhi (@varungandhi80) May 28, 2022