ଚଣ୍ଡିଗଡ଼: କେନ୍ଦ୍ର ସରକାରଙ୍କ ଅଗ୍ନିପଥ ଯୋଜନା ବିରୋଧରେ ପଞ୍ଜାବ ବିଧାନସଭାରେ ଗୁରୁବାର ଏକ ପ୍ରସ୍ତାବ ପାରିତ ହୋଇଛି। ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନ୍ କହିଛନ୍ତି ଯେ ବିଜେପି ନେତାମାନେ ପ୍ରଥମେ ନିଜ ପୁଅମାନଙ୍କୁ ଅଗ୍ନିବୀର କରନ୍ତୁ । ଅନ୍ୟପକ୍ଷରେ, ଗଢଶଙ୍କର ଆପ୍ ବିଧାୟକ ଜୟକିଶନ ରୋଡିଙ୍କୁ ବିଧାନସଭାର ଉପ ବାଚସ୍ପତି ଭାବରେ ନିଯୁକ୍ତ କରାଯାଇଛି ।
ଏହାପୂର୍ବରୁ ପଞ୍ଜାବ ବିଶ୍ବବିଦ୍ୟାଳୟ (ପିୟୁ) କୁ ଏକ କେନ୍ଦ୍ରୀୟ ବିଶ୍ବବିଦ୍ୟାଳୟରେ ପରିଣତ କରିବାକୁ ବିରୋଧ କରି ଏକ ସଂକଳ୍ପ ପାରିତ ହୋଇଥିଲା | ଏହାକୁ ଅନାବଶ୍ୟକ ବୋଲି କହି ଉଭୟ ବିଜେପି ସଦସ୍ୟ ଏହି ପ୍ରସ୍ତାବକୁ ବିରୋଧ କରିଥିଲେ। ତେବେ କଂଗ୍ରେସ, ଶିରୋମଣି ଅକାଳି ଦଳ ଏବଂ ସ୍ୱାଧୀନ ସଦସ୍ୟମାନେ ଏହି ପ୍ରସ୍ତାବକୁ ସମର୍ଥନ କରିଥିଲେ।
ଏହାପୂର୍ବରୁ ମଙ୍ଗଳବାର ଗୃହରେ ଶୂନ୍ୟକାଳ ସମୟରେ ବିରୋଧୀଦଳର ନେତା ପ୍ରତାପ ସିଂହ ବାଜୱାଙ୍କ ପ୍ରଶ୍ନର ଉତ୍ତର ଦେଉଥିବା ବେଳେ ମୁଖ୍ୟମନ୍ତ୍ର ଭଗଓ୍ବନ୍ତ ମାନ୍ କହିଥିଲେ ଯେ ଅଗ୍ନିପଥ ଯୋଜନା ଏନଡିଏ ସରକାରଙ୍କ ଏକ ଅଯୌକ୍ତିକ ଓ ଅନୁଚିତ ପଦକ୍ଷେପ ଯାହା ଭାରତୀୟ ସେନାର ଢାଞ୍ଚାଗତ ସ୍ଵରୁପକୁ ନଷ୍ଟ କରିଦେବ।
ମୁଖ୍ୟମନ୍ତ୍ରୀ ମାନ୍ ବୁଧବାର କହିଥିଲେ ଯେ ବିଧାନସଭା ନିର୍ବାଚନ ପୂର୍ବରୁ ଜନସାଧାରଣଙ୍କୁ ଦିଆଯାଇଥିବା ପ୍ରତିଶ୍ରୁତି ପର୍ଯ୍ୟାୟକ୍ରମେ ପୂରଣ କରାଯାଉଛି। ମାଗଣା ବିଜୁଳି ପ୍ରତିଶ୍ରୁତି ପୂରଣ କରିବା ପରେ ଏହି ପର୍ଯ୍ୟାୟରେ, ପଞ୍ଜାବର ମହିଳାମାନଙ୍କୁ ଆଉ ଏକ ପ୍ରତିଶ୍ରୁତି ମୁତାବକ ମାସିକ ୧୦୦୦ ଟଙ୍କା ଭତ୍ତା ପ୍ରଦାନ କରାଯିବ |
Comments are closed.