କଳାକୁବେର ଯନ୍ତ୍ରୀଙ୍କ କ୍ରିପ୍ଟୋ ପୁଞ୍ଜି ଫ୍ରିଜ ପାଇଁ ଭିଜିଲାନ୍ସ ପଦକ୍ଷେପ

ଭୁବନେଶ୍ବର – ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଗ୍ରାମ୍ୟ ଜଳଯୋଗାଣ ଓ ପରିମଳ ବିଭାଗ-ଆର୍‌ଡବ୍ଲୁଏସ୍‌ଏସ୍‌ ଭୁବନେଶ୍ୱର ସର୍କଲର ଅତିରିକ୍ତ ମୁଖ୍ୟଯନ୍ତ୍ରୀ ନିହାର ରଞ୍ଜନ ଦାସଙ୍କ କ୍ରିପ୍ଟୋ କାରବାର ଭିଜିଲାନ୍ସ ହାତରେ ଧରାପଡ଼ିଥିବା ବେଳେ ଆଜି କ୍ରିପଟୋ ଏଜେନ୍ସି କୁ ଚିଠି ଲେଖିଛି ଭିଜିଲାନ୍ସ। କ୍ରିପଟୋରେ ପୁଞ୍ଜି ଲାଗିଥିବା ଯନ୍ତୀଙ୍କ ୧ କୋଟି ୭୫ ଲକ୍ଷ ଟଙ୍କାକୁ ଫ୍ରିଜ କରିବାକୁ ଭିଜିଲାନ୍ସ ବିଭାଗ କ୍ରି‌ପ୍‌ଟୋକୁ ଚିଠି ଲେଖିଥିବା ସୂଚନା ରହିଛି। ବିଦେଶରେ ଥିବା କ୍ରିପଟୋ ଅଫିସକୁ ଇମେଲ କରି ଭିଜିଲାନ୍ସ ସହାୟତା ଲୋଡିଛି। ରାଜ୍ୟ ବାହାର କ୍ରିପଟୋ ଏକ୍ସପର୍ଟମାନଙ୍କୁ ମଧ୍ୟ ଏଥିରେ ନିୟୋଜିତ କରାଯାଇଛି।