ନୂଆଦିଲ୍ଲୀ: ଆଜି ବର୍ଷର ଶେଷ ଚନ୍ଦ୍ରଗ୍ରହଣ । ଚନ୍ଦ୍ରଗ୍ରହଣର ୯ ଘଣ୍ଟା ପୂର୍ବରୁ ଅଶୁଦ୍ଧ କାଳ ଆରମ୍ଭ ହୋଇଯିବ | ଭାରତୀୟ ସମୟ ଅନୁଯାୟୀ, ଚନ୍ଦ୍ରଗ୍ରହଣ ଅପରାହ୍ନ ୦୨:୪୧ ରୁ ଆରମ୍ଭ ହୋଇ ସନ୍ଧ୍ୟା ୦୬.୨୦ ପର୍ଯ୍ୟନ୍ତ ଚାଲିବ। ଜ୍ୟୋତିଷଶାସ୍ତ୍ରୀଙ୍କ କହିବା ଅନୁଯାୟୀ ଗର୍ଭବତୀ ମହିଳାମାନେ ଚନ୍ଦ୍ରଗ୍ରହଣ ସମୟରେ ଯତ୍ନବାନ ରହିବା ଉଚିତ୍। ଆସନ୍ତୁ ଜାଣିବା ଗର୍ଭବତୀ ମହିଳାମାନେ ଚନ୍ଦ୍ରଗ୍ରହଣ ସମୟରେ କ’ଣ କରିବା ଉଚିତ ଓ କେଉଁ ସତର୍କତା ଅବଲମ୍ବନ କରାଯିବା ଜରୁରୀ |
୧: ଠାକୁରଙ୍କ ବିଗ୍ରହ ସ୍ପର୍ଶ କରନ୍ତୁ ନାହିଁ:
ଚନ୍ଦ୍ରଗ୍ରହଣ ସମୟରେ ଗର୍ଭବତୀ ମହିଳାମାନେ ଠାକୁରଙ୍କ ବିଗ୍ରହ ସ୍ପର୍ଶ କରିବା ନିଷେଧ | ଚନ୍ଦ୍ରଗ୍ରହଣ ସମୟରେ ଏବଂ ଅଶୁଦ୍ଧ ସମୟରେ ପୂଜାପାଠରୁ ଦୂରେଇ ରହିବା ଉଚିତ |
୨:ଧାରୁଆ ଅସ୍ତ୍ର ବ୍ୟବହାର ନିଷେଧ:
ଗର୍ଭବତୀ ମହିଳାମାନେ ଚନ୍ଦ୍ରଗ୍ରହଣ ସମୟରେ ତୀକ୍ଷ୍ଣ କିମ୍ବା ଧାରୁଆ ଜିନିଷ ବ୍ୟବହାର କରିବା ଉଚିତ୍ ନୁହେଁ | କଣ୍ଟା, ଛୁରୀ ଇତ୍ୟାଦି ତୀକ୍ଷ୍ଣ ଜିନିଷରୁ ଦୂରେଇ ରୁହନ୍ତୁ | ଏବଂ ଏହି ସମୟରେ ନଖ କାଟିବା ଉଚିତ୍ ନୁହେଁ | ଚନ୍ଦ୍ରଗ୍ରହଣରେ ଏହି ଜିନିଷଗୁଡିକର ବ୍ୟବହାର ନିଷେଧ |
୩.ରୋଷେଇ ଓ ଖାଦ୍ୟଗ୍ରହଣରୁ ଦୂରେଇ ରୁହନ୍ତୁ:
ଗର୍ଭବତୀ ମହିଳାମାନେ ଚନ୍ଦ୍ରଗ୍ରହଣ ସମୟରେ ରୋଷେଇ ଓ ଖାଦ୍ୟ ଗ୍ରହଣ। ବିଶ୍ୱାସ ଅଛି ଯେ ଏହି ସମୟରେ ପଡୁଥିବା କ୍ଷତିକାରକ କିରଣ ଖାଦ୍ୟକୁ ଦୂଷିତ କରିଥାଏ | ଯଦି ଆପଣ କିଛି ଖାଇବାକୁ ଚାହାଁନ୍ତି, ତେବେ ଅଶୁଦ୍ଧ କାଳ ଲାଗିବା ପୂର୍ବରୁ ଖାଦ୍ୟରେ କିଛି ତୁଳସୀ ପତ୍ର ପକାଇ ରଖିବା ଠିକ୍ ହେବ ।
୪. ଘରୁ ବାହାରନ୍ତୁ ନାହିଁ :
ଗର୍ଭବତୀ ମହିଳାମାନେ ଚନ୍ଦ୍ରଗ୍ରହଣ ସମୟରେ ଘରୁ ବାହାରକୁ ଯିବା ଉଚିତ୍ ନୁହେଁ। କୁହାଯାଏ ଯେ ଯଦି ଜଣେ ଗର୍ଭବତୀ ମହିଳା ଚନ୍ଦ୍ରଗ୍ରହଣ ଦେଖନ୍ତି, ତେବେ ଏହା ତାଙ୍କ ଜନ୍ମିତ ସନ୍ତାନର ଶାରୀରିକ ଏବଂ ମାନସିକ ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇବା ସମ୍ଭାବନା ରହିଛି |
୫.ମିଛ କୁହନ୍ତୁ ନାହିଁ:
ଚନ୍ଦ୍ରଗ୍ରହଣ ସମୟରେ ଜଣେ ମିଛ କହିବା କଥା ନୁହେଁ | ଏହି ସମୟରେ କାହା ପ୍ରତି ଛଳ, କପଟ ଏଡ଼ାଇବା ଉଚିତ୍ | ଏହାଛଡ଼ା ଚନ୍ଦ୍ରଗ୍ରହଣ ସମୟରେ ମୁଣ୍ଡରେ ତେଲ ଲଗାଇବା ଅନୁଚିତ୍ | ମନରୁ ନକାରାତ୍ମକ ଚିନ୍ତାଧାରା ବାହାର କରିଦିଅନ୍ତୁ | କାହା ପାଇଁ ଅପମାନଜନକ ଶବ୍ଦ ବ୍ୟବହାର କରନ୍ତୁ ନାହିଁ |
Comments are closed.