ଆଇଏସ୍ ଉପରେ ଆମେରିକାର ଡ୍ରୋନ୍ ଆକ୍ରମଣ, କାବୁଲ ବିସ୍ଫୋରଣ ମାଷ୍ଟରମାଇଣ୍ଡ ନିହତ

କାବୁଲ: ଆଫଗାନିସ୍ତାନର ରାଜଧାନୀ କାବୁଲ ଉପରେ ଆତ୍ମଘାତୀ ବିସ୍ଫୋରଣ କରାଇଥିବା ଆତଙ୍କବାଦୀ ସଂଗଠନ ଆଇଏସଆଇଏସ ବିରୋଧରେ ଆମେରିକା କାର୍ଯ୍ୟାନୁଷ୍ଠାନ ଆରମ୍ଭ କରିଛି। ଆଫଗାନିସ୍ତାନରେ ଆଇଏସ୍ ଶିବିର ଉପରେ ଆମେରିକା ଡ୍ରୋନ୍ ଆକ୍ରମଣ କରିଛି। କାବୁଲ ବିସ୍ଫୋରଣରେ ବର୍ତ୍ତମାନ ପର୍ଯ୍ୟନ୍ତ ଏକ ଡଜନ ଆମେରିକୀୟ ସୈନିକଙ୍କ ସମେତ ୧୦୦ ରୁ ଅଧିକ ଲୋକ ପ୍ରାଣ ହରାଇଛନ୍ତି। କାବୁଲ ଆତ୍ମଘାତୀ ବିସ୍ଫୋରଣ ପରେ ଆମେରିକାର ରାଷ୍ଟ୍ରପତି ଜୋ ବିଡେନ କହିଥିଲେ ଯେ ଦୋଷୀଙ୍କୁ ଆମେ ଛାଡ଼ିବୁ ନାହିଁ, ଖୋଜି ଖୋଜି ମାରିବୁ ।

କାବୁଲ ବିସ୍ଫୋରଣ ପାଇଁ ଇସଲାମିକ୍ ଷ୍ଟେଟ୍ ଖୋରାସାନ୍ ନିଜକୁ ଦାୟୀ କରିଥିଲା | ଆଫଗାନିସ୍ତାନ-ପାକିସ୍ଥାନ ସୀମା ନିକଟ ନଙ୍ଗରହାର ପ୍ରଦେଶରେ ଆମେରିକା ଏହି ବୋମା ବିସ୍ଫୋରଣ କରିଛି। ଆମେରିକାର ବିମାନ ଆକ୍ରମଣରେ କାବୁଲ ବିସ୍ଫୋରଣର ମାଷ୍ଟରମାଇଣ୍ଡ ନିହତ ହୋଇଥିବା କୁହାଯାଇଛି।

ତାଲିବାନ ଆଫଗାନିସ୍ତାନକୁ ନିଜ ଦଖଲକୁ ନେବା ପରେ ହଜାର ହଜାର ଆଫଗାନିସ୍ତାନ ନାଗରିକଙ୍କ ସମେତ ବିଦେଶୀ ନାଗରିକ ଦେଶ ଛାଡିବା ପଳାଇବାକୁ ଚାହୁଁଛନ୍ତି। ଏଥିପାଇଁ ଗତ କିଛି ଦିନ ହେବ ବିମାନବନ୍ଦରରେ ପ୍ରବେଶ ଅସମ୍ଭାଳ ଭିଡ଼ ଜମିଛି। ପାଶ୍ଚାତ୍ୟ ଦେଶମାନେ କାବୁଲ ବିମାନବନ୍ଦରରୁ ଏକ ବିଶାଳ ତଥା ଆହ୍ବାନ ପୂର୍ଣ୍ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଏହାପୂର୍ବରୁ ଅନେକ ଦେଶ ଆତ୍ମଘାତୀ ଆକ୍ରମଣ ହେବାର ଆଶଙ୍କା ଥିବାରୁ ବିମାନବନ୍ଦରରୁ ଦୂରରେ ରହିବାକୁ ନିଜ ଲୋକଙ୍କୁ ସତର୍କ କରିଥିଲେ।