ଟୋକିଓ ପାରାଲିମ୍ପିକ୍ସ: ସ୍ବର୍ଣ୍ଣ ପଦକରୁ ପାଦେ ଦୂରରେ ଭାବିନା ପଟେଲ

ଟୋକିଓ: ଟୋକିଓରେ ଚାଲିଥିବା ପାରାଲିମ୍ପିକ୍ ଗେମ୍ସରୁ ଭାରତ ପାଇଁ ଖୁସି ଖବର ଆସିଛି | ଭାରତର ଷ୍ଟାର ଟେବୁଲ ଟେନିସ ଖେଳାଳି ଭାବିନା ପଟେଲ ଫାଇନାଲରେ ନିଜର ସ୍ଥାନ ପକ୍କା କରିଛନ୍ତି। ଭାବିନା ପଟେଲ ସେମିଫାଇନାଲରେ ଚୀନର ଝାଙ୍ଗ୍ ମିଆଓଙ୍କୁ ହରାଇ ଫାଇନାଲରେ ପ୍ରବେଶ କରି ସ୍ବର୍ଣ୍ଣ ପଦକ ଆଶା ଉଜ୍ଜ୍ବଳ କରିଛନ୍ତି । ଏବେ ଭାବିନା ସ୍ୱର୍ଣ୍ଣ ପଦକ ଠାରୁ ମାତ୍ର ଗୋଟିଏ ପାଦ ଦୂରରେ ଅଛନ୍ତି।

ତେବେ ସେମିଫାଇନାଲରେ ଭାବିନା ପଟେଲଙ୍କ ପାଇଁ ଚ୍ୟାଲେଞ୍ଜ ସହଜ ନଥିଲା। ଭାବିନାଙ୍କ ମୁକାବିଲା ବିଶ୍ୱ ମାନ୍ୟତାର ତିନି ନମ୍ବର ଖେଳାଳି ମିଆଓଙ୍କ ସହ ହୋଇଥିଲା। ଏକ ଅତ୍ୟନ୍ତ ଚ୍ୟାଲେଞ୍ଜିଂ ମୁକାବିଲାରେ ଭବିନା ପଟେଲ ମିଆଓଙ୍କୁ ୩-୨ (୭-୧୧, ୧୧-୭, ୧୧-୪, ୯-୧୧, ୧୧-୮) କୁ ପରାସ୍ତ କରିଥିଲେ | ଫାଇନାଲରେ ପହଞ୍ଚିବା ପରେ ଭବୀନା ପଟେଲ ଟୋକିଓ ପାରାଲିମ୍ପିକ ଗେମ୍ସରେ ଭାରତର ପ୍ରଥମ ପଦକ ନିଶ୍ଚିତ କରିଛନ୍ତି।

ଭାବିନା ପଟେଲ ଅଗଷ୍ଟ ୨୯ ରେ ସ୍ୱର୍ଣ୍ଣ ପଦକ ପାଇଁ ଲଢ଼ିବେ। ଫାଇନାଲରେ ମଧ୍ୟ ଭାବିନାଙ୍କ ସାମ୍ନାରେ ଚୀନ୍ ଚ୍ୟାଲେଞ୍ଜ ରହିଛି। ଫାଇନାଲରେ ଭାବିନା ଚୀନର ଜୋ ୟିଙ୍ଗଙ୍କୁ ଭେଟିବେ।
୩୪ ବର୍ଷୀୟ ଭବୀନା ପଟେଲ ଗୁଜରାଟର ମେହସାନା ନିବାସୀ | ଶୁକ୍ରବାର ନିଜେ ଭବିନ ଟୋକିଓ ପାରାଲିମ୍ପିକ୍ସରେ ଭାରତ ପାଇଁ ପଦକ ନିଶ୍ଚିତ କରିଥିଲେ। କ୍ୱାର୍ଟର ଫାଇନାଲରେ ଭବିନା ପଟେଲ ସର୍ବିଆର ବୋରିସ୍ଲାଭା ପେରିଚ ରାଙ୍କୋଭିଙ୍କୁ ୧୧-୫, ୧୧-୬, ୧୧-୭ରେ ପରାସ୍ତ କରି ସେମିଫାଇନାଲରେ ପ୍ରବେଶ କରିଥିବା ପ୍ରଥମ ଭାରତୀୟ ହୋଇଥିଲେ।

ଭବୀନା ପଟେଲଙ୍କ ପୂର୍ବରୁ କୌଣସି ଭାରତୀୟ ଖେଳାଳି ପାରାଲିମ୍ପିକ ଗେମ୍ସରେ ଟେବୁଲ ଟେନିସର କ୍ୱାର୍ଟର ଫାଇନାଲରେ ପ୍ରବେଶ କରିବାରେ ସଫଳ ହୋଇନଥିଲେ। କିନ୍ତୁ ବର୍ତ୍ତମାନ ଏହି ଇଭେଣ୍ଟରେ ଭାବିନା ପାଇଁ ପ୍ରଥମ ସ୍ବର୍ଣ୍ଣ ପଦକ ଜିତିବା ସମ୍ଭାବନା ରହିଛି ।