କୋରାପୁଟ – କୋରାପୁଟ ଜିଲ୍ଲା ନନ୍ଦପୁର ବ୍ଲକ ଦେଇ ପ୍ରବାହିତ ପାତାଳୀ ନଦୀରେ ଏକ ଦେଶୀ ଡଙ୍ଗା ବୁଡ଼ିଯିବାରୁ ନିଖୋଜ ଥିବା ୫ ଜଣଙ୍କ ମଧ୍ୟରୁ ଜଣଙ୍କର ମୃତଦେହ ଉଦ୍ଧାର କରାଯାଇଛି। ଆଉ ଚାରିଜଣ ନିଖୋଜ ଅଛନ୍ତି। ନିଖୋଜଙ୍କ ମଧ୍ୟରେ ତିନି ନାବାଳିକା ଓ ଜଣେ ମହିଳା ଅଛନ୍ତି । ଡଙ୍ଗା ବୁଡିରେ ପ୍ରାଣ ହରାଇଥିବା ମହିଳା ଜଣକ ହେଲେ ପାଡୁଆ ଥାନା ଅନ୍ତର୍ଗତ କୁଲାରସିଂ ପଞ୍ଚାୟତ ତାନସିଂ ଗାଁର ଲାଲମଣି ଶିଶା ।
ଏକ ବାହାଘର ଭୋଜିରେ ଯୋଗ ଦେବାକୁ ତାନସିଂ ଗାଁର ୫ ଜଣ ଦେଶୀ ଡଙ୍ଗାରେ ଗତକାଲି ସକାଳେ ବାଡେଲ ଗାଁକୁ ଯାଇ ସଂଧ୍ୟାରେ ନିଜ ଗାଁକୁ ଫେରୁଥିଲା ବେଳେ ଡଙ୍ଗାଟି ବୁଡ଼ି ଯାଇଥିଲା । ଲାଲମଣିଙ୍କ ମୃତଦେହ ତାନସିଂ ନଦୀଘାଟରେ ଭାସୁଥିବା ଗ୍ରାମବାସୀ ଦେଖିଥିଲେ। ଖବର ପାଇ ଦମକଳ ବାହିନୀ ଏବଂ ଓଡ୍ରାଫ୍ ଟିମ୍ ନେଇ ପୋଲିସ ପହଞ୍ଚିଥିଲା। ଲାଲମଣିଙ୍କ ପରିବାର ସଦସ୍ୟ ବି ଘଟଣାସ୍ଥଳକୁ ଯାଇ ତାଙ୍କ ମୃତଦେହ ଚିହ୍ନଟ କରିଥିଲେ। ଅନ୍ୟମାନଙ୍କ ପତ୍ତା ନମିଳିବାରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। ଅନ୍ଧାର ହୋଇ ଯିବାରୁ ଉଦ୍ଧାର କାର୍ଯ୍ୟ ବନ୍ଦ ରଖାଯାଇଥିଲା। ଆଜି ସକାଳେ ପୁଣି ଖୋଜାଖୋଜି ଆରମ୍ଭ ହୋଇଛି।
Comments are closed.