ମୁମ୍ବାଇ: ମହାଦେବ ବେଟିଂ ଆପ୍ ମାମଲାରେ ମୁମ୍ବାଇ ସାଇବର ସେଲର ଏସ୍ଆଇଟି ଛତିଶଗଡରୁ ଅଭିନେତା ସାହିଲ୍ ଖାନଙ୍କୁ ଗିରଫ କରିଛି। ବମ୍ବେ ହାଇକୋର୍ଟ ତାଙ୍କ ଜାମିନ ଆବେଦନ ଖାରଜ କରିବା ପରେ ଶନିବାର ଛତିଶଗଡର ଜଗଦଲପୁରରୁ ତାଙ୍କୁ ଗିରଫ କରାଯାଇଛି। ନିକଟରେ ଏସଆଇଟି ଖାନଙ୍କୁ ପଚରାଉଚରା କରିଥିଲା।
ବିବାଦୀୟ ମହାଦେବ ବେଟିଂ ଆପର ପ୍ରମୋଟର ଏବଂ ରାଜ୍ୟର କେତେକ ଆର୍ଥିକ ଏବଂ ରିଅଲ୍ ଇଷ୍ଟେଟ୍ କମ୍ପାନୀ ମଧ୍ୟରେ ହୋଇଥିବା ବେଆଇନ କାରବାରର ତଦନ୍ତ କରୁଛି ମୁମ୍ବାଇ ସାଇବର ସେଲ୍ ଏସଆଇଟି ।
ପୋଲିସ ଦ୍ବାରା ରୁଜୁ ଏଫଆଇଆର ଅନୁଯାୟୀ ମହାଦେବ ବେଟିଂ ଆପ୍ ମାମଲାରେ ପ୍ରାୟ ୧୫,୦୦୦ କୋଟି ଟଙ୍କାର ଦୁର୍ନୀତି ହୋଇଛି।
ସାହିଲ୍ ଖାନ ଏବଂ ଅନ୍ୟ ୩୧ ଜଣଙ୍କ ବିରୋଧରେ ସେମାନଙ୍କର ବ୍ୟାଙ୍କ ଆକାଉଣ୍ଟ, ମୋବାଇଲ୍ ଫୋନ୍, ଲାପଟପ୍ ଏବଂ ଅନ୍ୟାନ୍ୟ ଟେକ୍ନିକାଲ ଉପକରଣ ଯାଞ୍ଚ କରାଯାଉଥିବା ପୋଲିସ କହିଛି। ଜଣେ ଅଧିକାରୀ କହିଛନ୍ତି ଯେ, ଏପର୍ଯ୍ୟନ୍ତ ଏହି ମାମଲାରେ ଜଣଙ୍କୁ ଗିରଫ କରାଯାଇଛି ଏବଂ ତଦନ୍ତ ଜାରି ରହିଛି।
‘ଷ୍ଟାଇଲ୍’ ଏବଂ ‘ଏକ୍ସକ୍ୟୁଜ୍ ମି’ ଭଳି ଚଳଚ୍ଚିତ୍ରରେ କାମ କରିଥିବା ସାହିଲ ଖାନ ଜଣେ ଫିଟନେସ୍ ଏକ୍ସପର୍ଟ।
Comments are closed.