ବେଜିଂ ଶୀତକାଳୀନ ଅଲିମ୍ପିକ୍ସରେ ଆଥଲେଟଙ୍କ ସହ ସେମାନଙ୍କ ବର୍ଜ୍ୟବସ୍ତୁ ମଧ୍ୟ ବାୟୋ ବବଲରେ ରହିବ

ବେଜିଂ: ବେଜିଂ ଶୀତକାଳୀନ ଅଲିମ୍ପିକ୍ ଗେମ୍ସରେ ଆଥଲେଟଙ୍କ ସହ ସେମାନଙ୍କର ବର୍ଜ୍ୟବସ୍ତୁ ମଧ୍ୟ ବାୟୋ ବବଲରେ ରହିବ । ଓମିକ୍ରନ୍ ବିପଦ ମଧ୍ୟରେ ଆଥଲେଟଙ୍କ ବାହ୍ୟ ଜଗତ ସହ ସମ୍ପର୍କକୁ ରୋକିବା ପାଇଁ ଆୟୋଜକମାନେ ଏପରି ବ୍ୟବସ୍ଥା କରିଛନ୍ତି।

ଅଧିକାରୀ କହିଛନ୍ତି ଯେ ସ୍ବତନ୍ତ୍ର କର୍ମଚାରୀଙ୍କ ଏକ ଦଳକୁ ବବୁଲ ଭିତରେ ଆବର୍ଜନା ସଂଗ୍ରହ ଏବଂ ସ୍ଥାନାନ୍ତର କରିବାର ଦାୟିତ୍ବ ଦିଆଯିବ । ଯାହା ଦ୍ଵାରା ବବଲ୍ ଭିତରେ କରୋନା ସଂକ୍ରମଣ ହେବାର ସମ୍ଭାବନାକୁ କମ୍ ହେବ। ଶୀତକାଳୀନ ଅଲିମ୍ପିକ୍ ଗେମ୍ସ ଫେବୃଆରୀ ୪ ରୁ ଆରମ୍ଭ ହେବ |

ଅଲିମ୍ପିକ୍ ଗେମ୍ସ ଗ୍ରାମରେ ଯୋଜନା ଏବଂ କାର୍ଯ୍ୟକାରିତା ଦାୟିତ୍ୱରେ ଥିବା ମା ବୋଇଙ୍ଗ କହିଛନ୍ତି ଯେ ବର୍ଜ୍ୟବସ୍ତୁ ଅସ୍ଥାୟୀ ସଂଗ୍ରହ ସ୍ଥାନରେ ରହିବ, ଯାହା ପରେ ଅନ୍ୟ ସ୍ଥାନକୁ ପଠାଯିବ |

ଓମିକ୍ରନ୍ ଭାରିଆଣ୍ଟର ପ୍ରସାର ମଧ୍ୟରେ ଖେଳାଳିଙ୍କ ସୁରକ୍ଷା ବିଷୟରେ ପୁଣି ଚିନ୍ତା ଆରମ୍ଭ ହୋଇଛି |

ଆୟୋଜକ କମିଟି ମୁଖପାତ୍ର ୟାନ ଜିଆରଙ୍ଗ କହିଛନ୍ତି, ସ୍ବାସ୍ଥ୍ୟ ଅଧିକାରୀମାନେ ପରିସ୍ଥିତି ଉପରେ ନଜର ରଖିଛନ୍ତି, ଯଦିଓ ସେ ଆହୁରି ମଧ୍ୟ କହିଛନ୍ତି ଯେ ବର୍ତ୍ତମାନର ସୁରକ୍ଷା ବ୍ୟବସ୍ଥା କଠୋର ବୈଜ୍ଞାନିକଙ୍କ ମୂଲ୍ୟାୟନ ଦେଇ ଗତି କରିଛି ଏବଂ ଏହା ଅତ୍ୟନ୍ତ ପ୍ରଭାବଶାଳୀ ସାବ୍ୟସ୍ତ ହୋଇଛି।