ନୂଆଦିଲ୍ଲୀ: ଭାରତ ସରକାରଙ୍କ ନୂଆ ଅଗ୍ନିପଥ ଯୋଜନା ଅନ୍ତର୍ଗତ ଅଗ୍ନିବୀରଙ୍କ ନିଯୁକ୍ତି ପାଇଁ ଭାରତୀୟ ସେନା ପକ୍ଷରୁ ବିଜ୍ଞପ୍ତି ଜାରି ହୋଇଛି। ଏହା ଅଧୀନରେ ପ୍ରାର୍ଥୀମାନେ ଅନଲାଇନ୍ ରେଜିଷ୍ଟ୍ରେସନ୍ କରିବା ବାଧ୍ୟତାମୂଳକ | ଏହା ପରେ ଆପଣଙ୍କୁ ଭାରତୀୟ ସେନାର ଅଫିସିଆଲ୍ ୱେବସାଇଟ୍, joinindianarmy.nic.in ଯିବାକୁ ପଡ଼ିବ | ପଞ୍ଜୀକରଣ ପ୍ରକ୍ରିୟା ଜୁଲାଇ ୨୦୨୨ ରୁ ଆରମ୍ଭ ହେବ |
ଯେଉଁ ପଦ ଗୁଡିକ ଲାଗି ନିଯୁକ୍ତି ଆବେଦନ ଆହ୍ବାନ କରାଯାଇଛି ସେଗୁଡିକ ହେଲା – ଅଗ୍ନିବୀର ଜେନେରାଲ୍ ଡ୍ୟୁଟି, ଅଗ୍ନିବୀର ଟେକ୍ନିକାଲ୍ (ଆଭିଏସନ / ଆମ୍ୟୁନେସନ), ଏହି ଅଗ୍ନିବୀର କ୍ଲର୍କ / ଷ୍ଟୋରକିପର ଟେକ୍ନିକାଲ, ଅଗ୍ନିବୀର ଟ୍ରେଡସମ୍ୟାନ୍ (ଦଶମ ପାସ୍), ଅଗ୍ନିବୀର ଟ୍ରେଡସମ୍ୟାନ୍ ଅଷ୍ଟମ ପାସ୍ |
ବିଜ୍ଞପ୍ତି ଅନୁଯାୟୀ, ଖାଲିଥିବା ଉପଲବ୍ଧ ପଦ ଗୁଡ଼ିକରେ ନିଯୁକ୍ତି କେବଳ ମେରିଟ୍ ଆଧାରରେ ହେବ। କେବଳ ନିଯୁକ୍ତି ପ୍ରକ୍ରିୟା ପାସ୍ କରିବା ଦ୍ୱାରା ସେନାରେ ନିଯୁକ୍ତି ଦାବି କରିବାର କୌଣସି ଅଧିକାର ରହିବ ନାହିଁ | ଯେଉଁ ପ୍ରାର୍ଥୀଙ୍କ ଆବଶ୍ୟକୀୟ ପ୍ରମାଣପତ୍ର ନାହିଁ ସେମାନେ ଆବେଦନ ଖାରଜ ପାଇଁ ନିଜେ ଦାୟୀ ରହିବେ।
ପ୍ରକାଶିତ ବିଜ୍ଞପ୍ତି ଅନୁଯାୟୀ ପ୍ରାର୍ଥୀମାନେ ୪ ବର୍ଷ ପାଇଁ ନିଯୁକ୍ତି ପାଇବେ। ଅଗ୍ନିବୀରଙ୍କୁ ପ୍ରତିବର୍ଷ ୩୦ ଦିନ ଛୁଟି ମିଳିବ | ସେବାର ପ୍ରଥମ ବର୍ଷରେ ୩୦,୦୦୦ / – ବେତନ ଏବଂ ଭତ୍ତା, ଦ୍ୱିତୀୟ ବର୍ଷରେ ୩୩,୦୦୦ / – ବେତନ ଏବଂ ଭତ୍ତା, ତୃତୀୟ ବର୍ଷରେ ୩୬,୫୦୦ / – ବେତନ ଏବଂ ଭତ୍ତା ଏବଂ ଶେଷ ବର୍ଷରେ ୪୦,୦୦୦ / – ବେତନ ଏବଂ ଭତ୍ତା ପ୍ରଦାନ କରାଯିବ |
ପଦ ଅନୁଯାୟୀ ଯୋଗ୍ୟତାବଳୀ –
- ଜେନେରାଲ୍ ଡ୍ୟୁଟି ପଦବୀରେ ନିଯୁକ୍ତି ପାଇଁ ପ୍ରାର୍ଥୀମାନେ ସର୍ବନିମ୍ନ ୪୫% ମାର୍କ ସହିତ ଦଶମ ଶ୍ରେଣୀ ପାସ୍ କରିଥିବା ଆବଶ୍ୟକ |
- ଟେକ୍ନିକାଲ ଆଭିଏସଳ ଏବଂ ଆମ୍ୟୁନେସନ ପଦ ପାଇଁ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଗଣିତ ଏବଂ ଇଂରାଜୀ ବିଷୟରେ ୫୦% ମାର୍କ ସହିତ ଦ୍ୱାଦଶ ପାସ୍ ହେବା ଆବଶ୍ୟକ |
- କ୍ଲର୍କ / ଷ୍ଟୋରକିପର ଆଦି ପଦ ପାଇଁ ପ୍ରାର୍ଥୀମାନେ ଯେକୌଣସି ଷ୍ଟ୍ରିମରେ ସର୍ବନିମ୍ନ ୬୦% ମାର୍କ ସହିତ ଦ୍ୱାଦଶ ପାସ୍ କରିଥିବା ଆବଶ୍ୟକ | ଇଂରାଜୀ ଏବଂ ଗଣିତରେ ୫୦% ମାର୍କ ରହିବା ଆବଶ୍ୟକ |
- ଟ୍ରେଡସମ୍ୟାନ୍ ପଦ ପାଇଁ ଦଶମ ଏବଂ ଅଷ୍ଟମ ପାସ୍ ପ୍ରାର୍ଥୀଙ୍କୁ ଅଲଗା ଭାବେ ନିଯୁକ୍ତି ହେବ | ସମସ୍ତ ବିଷୟଗୁଡିକରେ ୩୩% ମାର୍କ ରହିବା ବାଧ୍ୟତାମୂଳକ |
- ସମସ୍ତ ପଦ ପାଇଁ ନିର୍ଦ୍ଦିଷ୍ଟ ବୟସ ସୀମା ହେଉଛି ୧୭.୫ ବର୍ଷରୁ ୨୩ ବର୍ଷ |
ଚାରିବର୍ଷର ସେବା ଶେଷ ହେବା ପରେ ଅଗ୍ନିବୀରମାନେ ମଧ୍ୟ ସେବା ନିଧି ପ୍ୟାକେଜ୍, ଅଗ୍ନିବୀର ସ୍କିଲ୍ ସାର୍ଟିଫିକେଟ୍ ଏବଂ ଦ୍ୱାଦଶ ଶ୍ରେଣୀ ସମକକ୍ଷ ଯୋଗ୍ୟତା ସାର୍ଟିଫିକେଟ୍ ପାଇବେ | ଦଶମ ପାସ୍ ଥିବା ପ୍ରାର୍ଥୀମାନେ ମଧ୍ୟ ୪ ବର୍ଷ ପରେ ଦ୍ୱାଦଶ ପାସ୍ ସମକକ୍ଷ ସାର୍ଟିଫିକେଟ୍ ପାଇବେ, ଯାହାର ସମ୍ପୂର୍ଣ୍ଣ ବିବରଣୀ ପରେ ପ୍ରକାଶ ପାଇବ |
ସମସ୍ତ ପଦରେ ନିଯୁକ୍ତି ପାଇଁ ଏନସିସି-ଏ ସାର୍ଟିଫିକେଟ୍ ଧାରକମାନେ ୦୫ ବୋନସ୍ ମାର୍କ ପାଇବେ | ଏନସିସି-ବି ସାର୍ଟିଫିକେଟ୍ ଧାରକମାନେ ୧୦ ବୋନସ୍ ମାର୍କ ପାଇବାକୁ ଥିବା ବେଳେ ଏନସିସି-ସି ସାର୍ଟିଫିକେଟ୍ ଧାରକମାନେ ୧୫ ବୋନସ୍ ମାର୍କ ପାଇବେ | ଏନସିସି ସି ସାର୍ଟିଫିକେଟ୍ ଧାରକମାନେ ଅଗ୍ନିବୀର ଜେନେରାଲ୍ ଡ୍ୟୁଟି ଏବଂ କ୍ଲର୍କ / ଷ୍ଟୋରକିପର ପଦ ପାଇଁ ସିଇଇ (ସାଧାରଣ ପ୍ରବେଶିକା ପରୀକ୍ଷା) ରୁ ଛାଡ଼ ପାଇବେ |
Comments are closed.