ନୂଆଦିଲ୍ଲୀ: ଅନେକ ବିକଶିତ ତଥା ଧନୀ ଦେଶ କୋଭିଡ-୧୯ ଟିକାର ବୁଷ୍ଟର ଡୋଜ୍ ଦେବାକୁ ନିଷ୍ପତ୍ତି ନେଇଛନ୍ତି । ତେବେ ଭାରତରେ ଏବେ ବୁଷ୍ଟର ଡୋଜ୍ ଦେବା ପାଇଁ ଯୋଜନା ନାହିଁ ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସ୍ପଷ୍ଟ କରିଛି । ସବୁ ଲୋକଙ୍କୁ ଦୁଇ ଡୋଜ୍ ସହ ସମ୍ପୂର୍ଣ୍ଣ ଟିକାକରଣ ଆମର ପ୍ରାଥମିକତା ଏବଂ ଏହା ଜାରି ରହିବ । ଏହି ସମୟରେ ବୁଷ୍ଟର ଡୋଜ ବୈଜ୍ଞାନିକ ଆଲୋଚନାର ମୁଖ୍ୟ ବିଷୟ ନୁହେଁ ବୋଲି ମନ୍ତ୍ରଣାଳୟ କହିଛି ।
ଆଇସିଏମଆର ମହାନିର୍ଦ୍ଦେଶ ଡକ୍ଟର ବଳରାମ ଭାର୍ଗବ କହିଛନ୍ତି ଯେ ବୈଜ୍ଞାନିକ ଅନୁସନ୍ଧାନରୁ ଟିକାର ଉଭୟ ଡୋଜ୍ ନେବାର କିଛି ଦିନ ପରେ ଶରୀରରେ ଆଣ୍ଟିବଡି କମୁଥିବା ଜଣାପଡ଼ିଛି । ସଂକ୍ରମଣକୁ ଲଢ଼ିବା ପାଇଁ ମଣିଷ ଶରୀରରେ ଅନ୍ୟ ପ୍ରକାରର ପ୍ରତିରୋଧକ ଶକ୍ତି ଅଛି ଯାହା ସର୍ବଦା ଜାରି ରହିପାରେ | ବର୍ତ୍ତମାନ ଦେଶରେ କରୋନାର ଦୁଇ-ଡୋଜ୍ ଟିକା କଭରେଜ୍ ସର୍ବୋଚ୍ଚ ପ୍ରାଥମିକତା ବୋଲି ସେ କହିଛନ୍ତି।
ଡକ୍ଟର ଭାର୍ଗବଙ୍କ ବୟାନ ଏପରି ଏକ ସମୟରେ ଆସିଛି ଯେତେବେଳେ ଦେଶର ପ୍ରଥମ ଡୋଜ୍ ଟିକାକରଣ କଭରେଜ ୬୨ ପ୍ରତିଶତରେ ପହଞ୍ଚିଛି ଏବଂ ଯୋଗ୍ୟ ବୟସ୍କ ଜନସଂଖ୍ୟାର ୨୦% ଲୋକଙ୍କ ସଂପୂର୍ଣ୍ଣ ଟିକାକରଣ ହୋଇଛି। ସେ କହିଛନ୍ତି ଯେ ଆମକୁ ଗୋଟିଏ କଥା ଅତି ସ୍ପଷ୍ଟ ଭାବରେ ମନେ ରଖିବାକୁ ହେବ । ବୁଷ୍ଟର୍ ଡୋଜ୍ ଏହି ସମୟରେ ବୈଜ୍ଞାନିକ ଆଲୋଚନାରେ ଏକ ମୁଖ୍ୟ ପ୍ରସଙ୍ଗ ନୁହେଁ | ଅନେକ ଏଜେନ୍ସି କହିଛନ୍ତି ଯେ ଆଣ୍ଟିବଡି ସ୍ତର ମପାଯିବା ଉଚିତ ନୁହେଁ କାରଣ ଆପଣଙ୍କର ସେଲୁଲାର୍ ଇମ୍ୟୁନିଟି, ଆଣ୍ଟିବଡି ଇମ୍ୟୁନିଟି କିମ୍ବା ମ୍ୟୁକୋସଲ୍ ଇମ୍ୟୁନିଟି ବି ଥାଇପାରେ | ଉଭୟ ଡୋଜର ସମ୍ପୂର୍ଣ୍ଣ ଟିକାକରଣ ଜରୁରୀ ଏବଂ ଏହି ଏଥିରେ କୌଣସି ସନ୍ଦେହ ରହିବା ଉଚିତ୍ ନୁହେଁ |
Comments are closed.