ନୂଆଦିଲ୍ଲୀ: ଦିଲ୍ଲୀ ଅବକାରୀ ଦୁର୍ନୀତି ମାମଲାରେ କୋର୍ଟ ଭାରତ ରାଷ୍ଟ୍ର ସମିତି (ବିଆରଏସ) ନେତ୍ରୀ କେ.କବିତାଙ୍କୁ ଏପ୍ରିଲ ୧୫ ପର୍ଯ୍ୟନ୍ତ ସିବିଆଇ ହାଜତକୁ ପଠାଇଛନ୍ତି। ସିବିଆଇ ଓ କବିତାଙ୍କ ଓକିଲଙ୍କ ଯୁକ୍ତି ଶୁଣିବା ପରେ ସ୍ୱତନ୍ତ୍ର ଜଜ୍ କାବେରୀ ବୱେଜା ଏହି ନିର୍ଦ୍ଦେଶ ଦେଇଛନ୍ତି।
ସିବିଆଇ ଗୁରୁବାର ତିହାର ଜେଲରେ କବିତା (୪୬)ଙ୍କୁ ଗିରଫ କରିଥିଲା । ଅବକାରୀ ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ଇଡି ଦ୍ୱାରା ଗିରଫ ହେବା ପରେ କବିତା ତିହାର ଜେଲରେ ଅଛନ୍ତି।
ଭାରତୀୟ ପିଙ୍ଗଳ କୋଡ୍ ର ଦଫା ୧୨୦-ବି (ଅପରାଧିକ ଷଡ଼ଯନ୍ତ୍ର) ସହ ୪୭୭-ବି (ଆକାଉଣ୍ଟରେ ଜାଲିଆତି) ଓ ଦୁର୍ନୀତି ନିବାରଣ ଆଇନର ଧାରା ୭ (ସରକାରୀ ଅଧିକାରୀଙ୍କୁ ଲାଞ୍ଚ ଦେବା ସମ୍ବନ୍ଧୀୟ ଅପରାଧ) ଅନୁଯାୟୀ କବିତାଙ୍କୁ ଗିରଫ କରିଥିଲା ସିବିଆଇ ।
Comments are closed.