ଲକ୍ଷ୍ମୀପୁର ହିଂସା ମାମଲା: କେନ୍ଦ୍ରମନ୍ତ୍ରୀ ଅଜୟ ମିଶ୍ରଙ୍କ ବହିଷ୍କାର ଦାବିରେ ଆଜି ଦେଶବ୍ୟାପୀ କଂଗ୍ରେସର ‘ମୌନ ବ୍ରତ’

ଲକ୍ଷ୍ନୌ: ଲକ୍ଷ୍ମୀପୁର ଖେରୀ ହିଂସା ମାମଲାରେ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କୁ ବରଖାସ୍ତ କରିବା ଦାବିରେ କଂଗ୍ରେସ ଦଳ ଆଜି ସାରା ଦେଶରେ ‘ମୌନ ବ୍ରତ’ କରିବ। କଂଗ୍ରେସ ନେତାମାନେ ସକାଳ ୧୦ ଟାରୁ ଅପରାହ୍ନ ୧ଟା ପର୍ଯ୍ୟନ୍ତ ସମସ୍ତ ରାଜ୍ୟରେ ରାଜ ଭବନ ବାହାରେ ଏକାଠି ହେବେ ଏବଂ ନିରବତା ଅବଲମ୍ବନ କରିବେ | ଏହି କାର୍ଯ୍ୟକ୍ରମରେ ବରିଷ୍ଠ ନେତା, ସାଂସଦ, ବିଧାୟକ ଏବଂ ବିଭାଗର ମୁଖ୍ୟଙ୍କ ଅଂଶଗ୍ରହଣ ନିଶ୍ଚିତ କରିବାକୁ ସମସ୍ତ ରାଜ୍ୟ ୟୁନିଟକୁ କୁହାଯାଇଛି।

ଦିଲ୍ଲୀ ପ୍ରଦେଶ କଂଗ୍ରେସ ସଭାପତି ଅନିଲ ଚୌଧୁରୀଙ୍କ ନେତୃତ୍ୱରେ କଂଗ୍ରେସ କର୍ମୀମାନେ ଆଜି ଦିନ ୧୧ ଟାରେ ରାଜ ଭବନରେ ଲକ୍ଷ୍ମୀପୁର ଘଟଣାକୁ ବିରୋଧ କରି ଏକ ନିରବ ପ୍ରତିବାଦ ପାଳନ କରିବେ। ଏଥି ସହିତ ଜାମ୍ମୁ କାଶ୍ମୀର ପ୍ରଦେଶ କଂଗ୍ରେସ ଆଜି ରାଜ ଭବନ ବାହାରେ ବିରୋଧ କରିବ।
କଂଗ୍ରେସ ମୁଖପାତ୍ର ପୱନ ଖେରାଙ୍କ ଅନୁଯାୟୀ ସରକାର ଲକ୍ଷ୍ମୀପୁର ହିଂସା ମାମଲାରେ ପଦକ୍ଷେପ ନେବାକୁ ଚାହୁଁନାହାଁନ୍ତି। କେବଳ କଂଗ୍ରେସର ଚାପରେ ଅଭିଯୁକ୍ତଙ୍କ ନିକଟକୁ ସମନ ପଠାଯାଇଥିଲା ଏବଂ ଅନେକ ଲୋକଙ୍କ ବିରୋଧରେ ମାମଲା ରୁଜୁ ହୋଇଛି। ସେ କହିଛନ୍ତି, “ଗୃହମନ୍ତ୍ରୀ ଏସବୁ ପରେ ମଧ୍ୟ ତାଙ୍କ ପଦରେ ରହିଛନ୍ତି। କଂଗ୍ରେସ ସରକାରରେ ଅଭିଯୋଗ ପ୍ରମାଣିତ ନହେଲେ ମଧ୍ୟ ନେତା ଇସ୍ତଫା ଦେଉଥିଲେ। ଅଜୟ ମିଶ୍ରଙ୍କୁ ବହିଷ୍କାର କରିବା ଉଚିତ୍।”
ସଂଯୁକ୍ତ କିସାନ୍ ମୋର୍ଚ୍ଚା (ଏସକେଏମ୍) ରବିବାର କେନ୍ଦ୍ର ଓ ଉତ୍ତରପ୍ରଦେଶ ସରକାରଙ୍କୁ ଚେତାବନୀ ଦେଇଛି । ଯଦି କେନ୍ଦ୍ର ରାଜ୍ୟ ଗୃହମନ୍ତ୍ରୀ ଅଜୟ ମିଶ୍ରଙ୍କୁ ହଟାଯିବ ନାହିଁ ଏବଂ ଅକ୍ଟୋବର ୧୧ ସୁଦ୍ଧା ଲକ୍ଷ୍ମୀପୁର ହିଂସା ଘଟଣାରେ ଗିରଫ କରାଯିବ ନାହିଁ। ଏହାପୂର୍ବରୁ ଏସକେଏମ କହିଛି ଯେ ମିଶ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସରକାରଙ୍କ ପାଖରେ ଅକ୍ଟୋବର ୧୧ ପର୍ଯ୍ୟନ୍ତ ସମୟ ଅଛି । ଯଦି ସରକାର ଏହା ନ କରନ୍ତି ମୋର୍ଚ୍ଚା ଲକ୍ଷ୍ମୀପୁର ଖେରୀ ହିଂସା ବିରୋଧରେ ପର୍ଯ୍ୟାୟକ୍ରମେ ବିରୋଧ ପ୍ରଦର୍ଶନ କରିବ।

ବାସ୍ତବରେ ରବିବାର ଦିନ ଲକ୍ଷ୍ମୀପୁର ଖେରୀରେ ଘଟିଥିବା ହିଂସା ଘଟଣାରେ ଚାରି ଜଣ କୃଷକଙ୍କ ସମେତ ନଅ ଜଣଙ୍କ ମୃତ୍ୟୁ ସମ୍ପର୍କରେ ସୂଚନା ସାମ୍ନାକୁ ଆସୁଛି। ଉତ୍ତର ପ୍ରଦେଶ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ଲକ୍ଷ୍ମୀପୁରକୁ ଆସୁଥିଲେ ଏବଂ ଉକ୍ତ ମାର୍ଗରେ କୃଷକମାନେ ବିରୋଧ କରିଥିଲେ। ସେହି ସମୟରେ କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ର ତେନିଙ୍କ ପୁଅ ଚାଷୀଙ୍କ ଉପରେ ଗାଡ଼ି ଚଢ଼ାଇ ଦେଇଥିଲେ । ଏଥିରେ ୪ ଚାଷୀଙ୍କ ମୃତ୍ୟୁ ହୋଇଥିଲା । ଏହାପରେ ଘଟିଥିବା ହିଂସାରେ ଆଉ ଚାରି ଜଣ ବ୍ୟକ୍ତିଙ୍କ ମୃତ୍ୟୁ ହୋଇଥିଲା । ବର୍ତ୍ତମାନ ଏହି ଘଟଣାର ତଦନ୍ତ ଚାଲିଛି, ଅନେକ ଲୋକଙ୍କ ବିରୋଧରେ ମାମଲା ରୁଜୁ ହୋଇଛି।