ପାର୍ବଣରେ ଆକ୍ରମଣ ଯୋଜନାରେ ଆତଙ୍କୀ ସଂଗଠନ, ଦିଲ୍ଲୀରେ ହାଇ ଆଲର୍ଟ

ନୂଆଦିଲ୍ଲୀ: ପାର୍ବଣ ଋତୁରେ ଦିଲ୍ଲୀରେ ବଡ଼ ଧରଣର ଆକ୍ରମଣ ଯୋଜନାରେ ଅଛନ୍ତି ଆତଙ୍କୀ ସଂଗଠନ । ଆତଙ୍କବାଦୀ ଆକ୍ରମଣ ସମ୍ଭାବନାକୁ ଦୃଷ୍ଟିରେ ରଖି ଦିଲ୍ଲୀରେ ହାଇ ଆଲର୍ଟ ଜାରି କରାଯାଇଛି। ଆତଙ୍କବାଦୀ ଆକ୍ରମଣ ସମ୍ପର୍କରେ ସୂଚନା ପାଇବା ପରେ ଦିଲ୍ଲୀ ପୋଲିସକୁ ସତର୍କ କରାଯାଇଛି। ମିଳିଥିବା ସୂଚନା ଅନୁଯାୟୀ, ଦିଲ୍ଲୀ ପୋଲିସ କମିଶନର ରାକେଶ ଅସ୍ଥାନା ଶନିବାର ଦିନ ବରିଷ୍ଠ ଅଧିକାରୀଙ୍କ ସହ ଏକ ବୈଠକ କରିଥିଲେ ଏବଂ ପାର୍ବଣରେ ଜାତୀୟ ରାଜଧାନୀରେ ଆତଙ୍କବାଦୀ ଆକ୍ରମଣର ଗୁଇନ୍ଦା ସୂଚନା ଦୃଷ୍ଟିରୁ ସତର୍କତା ମୂଳକ ପଦକ୍ଷେପ ଉପରେ ଆଲୋଚନା କରିଥିଲେ।

ଆତଙ୍କବାଦୀଙ୍କୁ କିପରି ସ୍ଥାନୀୟ ଲୋକଙ୍କ ସହାୟତା ନେବାରୁ ରୋକାଯାଇପାରିବ ସେନେଇ ମଧ୍ୟ ଆଲୋଚନା କରାଯାଇଥିଲା। ଆସ୍ଥାନା କହିଥିଲେ ଯେ ଦିଲ୍ଲୀରେ ଆତଙ୍କବାଦୀ ଆକ୍ରମଣ ସମ୍ପର୍କରେ ସୂଚନା ମିଳିଛି। ସ୍ଥାନୀୟ ସମର୍ଥନ ନ ମିଳିଲେ ଏପରି ଆକ୍ରମଣକୁ ରୋକାଯାଇ ପାରିବ । ସେ କହିଛନ୍ତି ଯେ ଏହି ପ୍ରକାର ଆକ୍ରମଣରେ ସ୍ଥାନୀୟ ଅପରାଧୀ, ଗ୍ୟାଙ୍ଗଷ୍ଟର ଏବଂ ଚରମପନ୍ଥୀ ଗୋଷ୍ଠୀଙ୍କ ସମର୍ଥନ ଓ ସହଯୋଗ ରହିଥାଏ ।

ପୋଲିସ କମିଶନର କହିଛନ୍ତି, ସାଇବର କେଫ୍, କେମିକାଲ୍ ଦୋକାନ, ପାର୍କିଂ ସ୍ଥଳ, ଜଙ୍କ ଏବଂ କାର ଡିଲରମାନଙ୍କ ପେସାଗତ ଶୈଳୀରେ ତଦନ୍ତ କରିବାକୁ ଓ ସେମାନଙ୍କ ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ପେଟ୍ରୋଲ ପମ୍ପ ଏବଂ ପେଟ୍ରୋଲ ଟ୍ୟାଙ୍କରକୁ ମଧ୍ୟ ଟାର୍ଗେଟ୍ କରାଯାଇପାରେ | ଦିଲ୍ଲୀରେ ରହୁଥିବା ଭଡ଼ାଟିଆ ଏବଂ ଶ୍ରମିକ ଶ୍ରେଣୀର ଲୋକମାନଙ୍କ ପରିଚୟ ଯାଞ୍ଚ ପାଇଁ ଏକ ଅଭିଯାନ ଆରମ୍ଭ କରିବାକୁ ଅସ୍ଥାନା ନିର୍ଦ୍ଦେଶ ଦେଇଛନ୍ତି।