ରାଘବ ଚଢ଼ାଙ୍କୁ ରାଜ୍ୟସଭାରେ ଆପର ନେତା ନିଯୁକ୍ତ କରିବାକୁ କେଜ୍ରିୱାଲଙ୍କ ଅନୁରୋଧ ଖାରଜ କଲେ ଧନଖର

ନୂଆଦିଲ୍ଲୀ: ରାଘବ ଚଢ଼ାଙ୍କୁ ରାଜ୍ୟସଭାରେ ଆମ୍ ଆଦମୀ ପାର୍ଟି (ଆପ୍)ର ଅନ୍ତରୀଣ ନେତା ଭାବେ ନିଯୁକ୍ତ କରିବାକୁ ଦଳର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କ ଅନୁରୋଧକୁ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖର ଖାରଜ କରିଛନ୍ତି।

ସୂଚନାନୁସାରେ, ଧନଖର କେଜ୍ରିୱାଲଙ୍କୁ ଲେଖିଥିବା ଏକ ଚିଠିରେ କହିଛନ୍ତି, ଆପ୍ ଏହି ଅନୁରୋଧ ଆଇନଗତ ପ୍ରକ୍ରିୟା ଅନୁଯାୟୀ କରିନାହିଁ, ତେଣୁ ଏହାକୁ ଗ୍ରହଣ କରାଯାଉ ନାହିଁ।

ଉପର ସଦନରେ ଦଳର ନେତା ସଞ୍ଜୟ ସିଂହ ବିଚାର ବିଭାଗୀୟ ହାଜତରେ ଥିବାରୁ ଆପର ଅନ୍ତରୀଣ ନେତା ଭାବେ ରାଘବ ଚଢ଼ାଙ୍କୁ ନିଯୁକ୍ତ କରିବାକୁ କେଜ୍ରିୱାଲ ଚଳିତ ମାସ ଆରମ୍ଭରେ ଧନଖରଙ୍କୁ ଅନୁରୋଧ କରିଥିଲେ ।

ଧନଖର ନିୟମ ଦର୍ଶାଇ କେଜ୍ରିୱାଲଙ୍କ ଅନୁରୋଧକୁ ପ୍ରତ୍ୟାଖ୍ୟାନ କରିବା ପରେ ସଞ୍ଜୟ ସିଂହ ଉପର ଗୃହରେ ଦଳର ନେତା ରହିବେ।