ନୂଆଦିଲ୍ଲୀ: ନ୍ୟାସନାଲ ହେରାଲ୍ଡ ଖବରକାଗଜ ସହ ଜଡିତ ମନି ଲଣ୍ଡରିଂ ମାମଲାରେ ବୁଧବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ତିନି ଘଣ୍ଟାରୁ ଅଧିକ ସମୟ ପଚରାଉଚରା କରିଛି। ସୂଚନା ଅନୁଯାୟୀ ସୋନିଆଙ୍କୁ ପୁଣି ହାଜର ହେବା ପାଇଁ କୌଣସି ସାନି ସମନ ଜାରି କରାଯାଇ ନାହିଁ। ସୋନିଆ ଗାନ୍ଧୀଙ୍କୁ ତିନି ଦିନ ମଧ୍ୟରେ ମୋଟ ୧୨ ଘଣ୍ଟା ପଚରାଉଚରା କରାଯାଇଛି ଏବଂ ତାଙ୍କୁ ୧୦୦ରୁ ଅଧିକ ପ୍ରଶ୍ନ ପଚରା ଯାଇଛି ।
ଏହାପୂର୍ବରୁ ମଙ୍ଗଳବାର ସୋନିଆ ଗାନ୍ଧୀଙ୍କୁ ୬ ଘଣ୍ଟା ଧରି ପଚରାଉଚରା କରାଯାଇଥିଲା। ଇଡି ଅଧିକାରୀ କହିଛନ୍ତି ଯେ ସୋନିଆ ଗାନ୍ଧୀ ସମସ୍ତ ପ୍ରଶ୍ନର ଉତ୍ତର ଶୀଘ୍ର ଦେଇଥିଲେ । ସୋନିଆ ଗାନ୍ଧୀଙ୍କୁ ନ୍ୟାସନାଲ ହେରାଲ୍ଡ ଖବରକାଗଜ ଏବଂ ୟଙ୍ଗ ଇଣ୍ଡିଆନ୍ ପିଭି ଲିମିଟେଡ୍ ସହ ଜଡିତ ମନି ଲଣ୍ଡରିଂ ମାମଲାରେ ପଚରାଉଚରା କରାଯାଇଥିଲା । ତିନି ଦିନର ଜେରା ବେଳେ କଂଗ୍ରେସ ସଭାପତି ତାଙ୍କ ଝିଅ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସହ ଏହି କେନ୍ଦ୍ରୀୟ ଏଜେନ୍ସି କାର୍ଯ୍ୟାଳୟରେ ପହଞ୍ଚିଥିଲେ। ପ୍ରିୟଙ୍କା ଗାନ୍ଧୀ ତାଙ୍କ ସହିତ ଔଷଧ ଆଣିଥିଲେ। ଏହାଛଡ଼ା ମେଡିକାଲ ଟିମକୁ ମଧ୍ୟ ଷ୍ଟାଣ୍ଡବାଇରେ ରଖାଯାଇଥିଲା।
Comments are closed.