ମୁମ୍ବାଇ: ମହାରାଷ୍ଟ୍ରରେ ରାଜନୈତିକ ସଙ୍କଟ ମଧ୍ୟରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଶିବସେନା ସାଂସଦ ତଥା ମୁଖପାତ୍ର ସଞ୍ଜୟ ରାଉତଙ୍କୁ ସମନ ଜାରି କରିଛି । ତାଙ୍କୁ ମଙ୍ଗଳବାର ହାଜର ହେବାକୁ ନିର୍ଦ୍ଦେଶ ଦିଆଯାଇଛି। ସଞ୍ଜୟ ରାଉତ ମଧ୍ୟ ଏହା ସ୍ପଷ୍ଟ କରିଛନ୍ତି । ସେ ଟ୍ୱିଟ୍ କରିଛନ୍ତି- “ବର୍ତ୍ତମାନ ମୁଁ ବୁଝିପାରୁଛି ଯେ ଇଡି ମୋତେ ସମନ ପଠାଇଛି। ଏହି ଷଡ଼ଯନ୍ତ୍ର ଚାଲିଛି।”
ଏହାପୂର୍ବରୁ, ଇଡି ରାଉତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଇଡି ସଞ୍ଜୟ ରାଉତଙ୍କର ସମ୍ପତ୍ତି ଜବତ କରିଥିଲା | ପାତ୍ରା ଚଲ୍ ସହ ଜଡିତ ମନି ଲଣ୍ଡରିଂ ମାମଲାରେ ଇଡି ସଞ୍ଜୟ ରାଉତଙ୍କ ବିରୋଧରେ ଯାଞ୍ଚ୍ କରୁଥିଲା।
ପାତ୍ରା ଚଲ୍ ର ପୁନଃ ନିର୍ମାଣ ୨୦୦୮ ମସିହାରେ ଆରମ୍ଭ ହୋଇଥିଲା କିନ୍ତୁ ଏହା ଏପର୍ଯ୍ୟନ୍ତ ସମ୍ପୂର୍ଣ୍ଣ ହୋଇନାହିଁ | ଏହି ପ୍ରକଳ୍ପରେ ୧୦୩୮ କୋଟି ଟଙ୍କା ହେରଫେର ହୋଇଥିବା ଅଭିଯୋଗର ତଦନ୍ତ କରୁଛି ଇଡି ।
ତେବେ ଏତେ ବର୍ଷ ପରେ ଇଡିକୁ ହଠାତ୍ ଏହି ମାମଲା ବିଷୟରେ କିପରି ମନେ ପଡ଼ିଲା ସେନେଇ ସାଧାରଣରେ ଚର୍ଚ୍ଚା ହେଉଛି । ସମ୍ପ୍ରତି ମହାରାଷ୍ଟ୍ର ସଙ୍କଟ ମଧ୍ୟରେ ଉଦ୍ଧବ ଠାକରେଙ୍କୁ ଡରାଇବା ପାଇଁ ଏହା ଏକ ଚାଲ୍ ବୋଲି ଆଲୋଚନା ହେଉଛି | ଇଡି ଦାବି କରିଛି ଯେ ପାତ୍ରା ଚଲ୍ ପୁନଃ ନିର୍ମାଣ ପ୍ରକଳ୍ପରେ ଟଙ୍କା ହେରଫେର ହୋଇଛି ।
Comments are closed.