ଲକ୍ଷ୍ମୀପୁର ହିଂସା ମାମଲା: ଆଶିଷ ମିଶ୍ରଙ୍କ ରାଇଫଲ୍ ରୁ ହିଁ ଫୁଟିଥିଲା ଗୁଳି, ଫରେନସିକ୍ ରିପୋର୍ଟରୁ ହେଲା ସ୍ପଷ୍ଟ

ଲକ୍ଷ୍ନୌ: ଲକ୍ଷ୍ମୀପୁର ଖେରୀ ହିଂସା ମାମଲାରେ ଏକ ବଡ଼ ଖୁଲାସା ହୋଇଛି। ହିଂସା ସମୟରେ ମୁଖ୍ୟ ଅଭିଯୁକ୍ତ ତଥା କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ରଙ୍କ ରାଇଫଲ୍ ରୁ ହିଁ ଗୁଳି ଫୁଟିଥିଲା ବୋଲି ଜଣାପଡ଼ିଛି।

ତିନୋଟି ରାଇଫଲରୁ ଗୁଳି ଚଳାଇବାର ପ୍ରମାଣ ମିଳିଛି। ମୁଖ୍ୟ ଅଭିଯୁକ୍ତ ତଥା ମନ୍ତ୍ରୀଙ୍କ ପୁଅ ଆଶିଷ ମିଶ୍ରଙ୍କ ରାଇଫଲକୁ ମଧ୍ୟ ଯାଞ୍ଚ୍ ପାଇଁ ପଠାଯାଇଛି। ବଡ଼ କଥା ହେଉଛି ଫୋରେନସିକ୍ ରିପୋର୍ଟରେ ଅଭିଯୁକ୍ତ ଆଶିଷ ମିଶ୍ର ରାଇଫଲରୁ ଗୁଳି ଚଳାଇଥିବା ଫରେନସିକ୍ ରିପୋର୍ଟରେ ସ୍ପଷ୍ଟ ହୋଇଛି।
ଅନ୍ୟ ଜଣେ ଅଭିଯୁକ୍ତ ଅଙ୍କିତ ଦାସଙ୍କ ପିସ୍ତଲ ମଧ୍ୟ ଯାଞ୍ଚ କରାଯାଇଛି। ଅଙ୍କିତଙ୍କ ଗନର୍ ଲତିଫଙ୍କ ବନ୍ଧୁକର ମଧ୍ୟ ଯାଞ୍ଚ କରାଯାଇଥିବା କୁହାଯାଇଛି। ଘଟଣାସ୍ଥଳରୁ ପଳାୟନ କରୁଥିବାବେଳେ ଲାଇସେନ୍ସପ୍ରାପ୍ତ ଅସ୍ତ୍ରଶସ୍ତ୍ରରୁ ଗୁଳି ବିନିମୟ ହୋଇଥିଲା। ତେବେ ପୋଷ୍ଟମର୍ଟମ ରିପୋର୍ଟରେ କୌଣସି ବ୍ୟକ୍ତିଙ୍କୁ ଗୁଳି କରାଯାଇଥିବାର ନିଶ୍ଚିତ ହୋଇ ନାହିଁ। କିନ୍ତୁ ଯାଞ୍ଚ୍ ବେଳେ ପୋଲିସ ଗାଡିଗୁଡ଼ିକ ଉପରେ ଗୁଳି ଚିହ୍ନ ପାଇଥିଲା। ଏହି ଆଧାରରେ ରାଇଫଲ ଜବତ କରାଯାଇଥିଲା।

ଅକ୍ଟୋବର ୩ରେ କୃଷକ ଆଇନକୁ ବିରୋଧ କରି ଏକ ଘଟଣାରୁ ଫେରୁଥିବାବେଳେ ଲକ୍ଷ୍ମୀପୁର ଖେରୀର ଟିକୁନିଆରେ ଚାରିଜଣ ଚାଷୀଙ୍କ ଉପରେ ଏକ ଏସୟୁଭି ଚଢ଼ାଇ ସହ ହତ୍ୟା ଅଭିଯୋଗ ହୋଇଥିଲା। ଏହି କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ କେଶବ ମୌର୍ଯ୍ୟଙ୍କ ସହ କେନ୍ଦ୍ର ମନ୍ତ୍ରୀ ଅଜୟ ମିଶ୍ର ଟେନି ଉପସ୍ଥିତ ଥିଲେ। କୃଷକମାନେ ଅଭିଯୋଗ କରିଛନ୍ତି ଯେ ଯେଉଁ ଏସୟୁଭି ଗାଡ଼ି ଚାଷୀଙ୍କୁ ଦଳି ଥିଲା ସେଥିରେ କେନ୍ଦ୍ରମନ୍ତ୍ରୀଙ୍କ ପୁଅ ଆଶିଷ ମିଶ୍ର ଥିଲେ। ଆଶିଷ ମିଶ୍ରଙ୍କୁ ଗିରଫ କରାଯାଇଛି ଏବଂ କୃଷକମାନେ ମଧ୍ୟ ଏହି ମାମଲାରେ ଅଭିଯୁକ୍ତ ଥିବାରୁ କେନ୍ଦ୍ର ମନ୍ତ୍ରୀଙ୍କୁ ବରଖାସ୍ତ କରିବାକୁ ଦାବି କରୁଛନ୍ତି।