ମୁଁ ମୁଖ୍ୟମନ୍ତ୍ରୀ ପଦ ଛାଡିବାକୁ ଚାହୁଁଛି, କିନ୍ତୁ ଏହି ପଦ ମୋତେ ଛାଡ଼ୁନି: ଗେହଲୋଟ୍

ନୂଆଦିଲ୍ଲୀ: ରାଜସ୍ଥାନରେ ବିଧାନସଭା ନିର୍ବାଚନ ତାରିଖ ଘୋଷଣା ହୋଇସାରିଥିଲେ ମଧ୍ୟ କଂଗ୍ରେସ ଏପର୍ଯ୍ୟନ୍ତ ପ୍ରାର୍ଥୀ ତାଲିକା ଘୋଷଣା କରିନାହିଁ। ଇତିମଧ୍ୟରେ ଦିଲ୍ଲୀରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ପାର୍ଟି ମୁଖ୍ୟାଳୟରେ ଗଣମାଧ୍ୟମକୁ ସମ୍ବୋଧିତ କରି କିଛି ରୋଚକ କଥା କହିଛନ୍ତି। ମୁଖ୍ୟମନ୍ତ୍ରୀ ପଦ ନେଇ ପ୍ରଶ୍ନ ଉପରେ ଗେହଲୋଟ୍ କହିଛନ୍ତି, ମୁଁ ଏହି ପଦ ଛାଡିବାକୁ ଚାହୁଁଛି, କିନ୍ତୁ ଏହି ପଦ ମୋତେ ଛାଡୁନାହିଁ।

ରାଜସ୍ଥାନରେ କଂଗ୍ରେସ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବାରେ ବିଳମ୍ବ ନେଇ ଗେହଲୋଟ୍ କହିଛନ୍ତି, “କଂଗ୍ରେସ ଦଳରେ ମୁଖ୍ୟମନ୍ତ୍ରୀ ଚୟନ ପ୍ରକ୍ରିୟାରେ କୌଣସି ମତଭେଦ ହୁଏନାହିଁ । ଏହା ବିରୋଧୀଙ୍କୁ ବାଧୁଛି । ମୁଁ ନିଶ୍ଚିତ ଯେ ଆପଣ ସଚିନ୍ ପାଇଲଟଙ୍କ ବିଷୟରେ କହୁଛନ୍ତି | ସମସ୍ତଙ୍କ ମତାମତ ଆଧାରରେ ସବୁ ନିଷ୍ପତ୍ତି ନିଆଯାଉଛି | ସଚିନ୍ ପାଇଲଟ୍ ସାହାବଙ୍କ ସମର୍ଥକମାନଙ୍କ ଦ୍ବାରା ତାଙ୍କ ସପକ୍ଷରେ ନିଆଯାଉଥିବା ନିଷ୍ପତ୍ତିରେ ବି ମୁଁ ଭାଗ ନେଉଛି।

ଗେହଲୋଟ୍ କହିଛନ୍ତି, ନିକଟରେ ମୁଁ ଜଣେ ବୃଦ୍ଧାଙ୍କୁ ଭେଟିଥିଲି | ସେ କହିଥିଲେ ଭଗବାନ କରନ୍ତୁ ଆପଣ ଚତୁର୍ଥ ଥର ପାଇଁ ମୁଖ୍ୟମନ୍ତ୍ରୀ ହୁଅନ୍ତୁ । ମୁଁ ତାଙ୍କୁ କହିଲି- ଶୁଣନ୍ତୁ ମା, ଆପଣଙ୍କୁ ଅଭିନନ୍ଦନ । ଆପଣଙ୍କର ହୃଦୟ ପ୍ରତିରୋପଣ ସଫଳ ହୋଇଛି | ମୁଁ ମୁଖ୍ୟମନ୍ତ୍ରୀ ପଦ ଛାଡିବାକୁ ଚାହୁଁଛି, କିନ୍ତୁ ଏହି ପଦ ମୋତେ ଛାଡୁ ନାହିଁ। ଭାରତରେ କେତେଜଣ ମୁଖ୍ୟମନ୍ତ୍ରୀ ଏଭଳି କହିବାକୁ ସାହସ କରିପାରିବେ ?”

ଉଲ୍ଲେଖଯୋଗ୍ୟ, ରାଜସ୍ଥାନ ବିଧାନସଭା ନିର୍ବାଚନ ପାଇଁ ନଭେମ୍ବର ୨୫ରେ ଗୋଟିଏ ପର୍ଯ୍ୟାୟରେ ମତଦାନ ହେବ । ଡିସେମ୍ବର ୩ରେ ଫଳାଫଳ ଘୋଷଣା ହେବ ।