ଏଫ୍ଆଇଏଚ୍ ପ୍ରୋ ଲିଗ୍: ଜର୍ମାନୀକୁ ୬-୩ରେ ହରାଇ ଶୀର୍ଷରେ ଭାରତ

ରାଉରକେଲା: ବିର୍ସା ମୁଣ୍ଡା ଷ୍ଟାଡିୟମରେ ଏଫ୍ଆଇଏଚ୍ ପ୍ରୋ ଲିଗରେ ଭାରତ ଜୟଯାତ୍ରା ଜାରି ରଖିଛି । ଭାରତ ଦ୍ବିତୀୟ ପର୍ଯ୍ୟାୟ ମ୍ୟାଚରେ ପୁଣି ବିଶ୍ୱ ଚାମ୍ପିଅନ୍ ଜର୍ମାନୀକୁ ପରାସ୍ତ କରିଛି । ଜର୍ମାନୀକୁ ୬-୩ରେ ହରାଇଛି ଭାରତ । ଟୁର୍ଣ୍ଣାମେଣ୍ଟରେ ଭାରତର ଏହା କ୍ରମାଗତ ତୃତୀୟ ବିଜୟ ।

ତିନି ଦିନ ମଧ୍ୟରେ ଜର୍ମାନୀ ବିପକ୍ଷରେ ଏହା ଭାରତର ଦ୍ୱିତୀୟ ବିଜୟ ଥିଲା ଏବଂ ଏହି ବିଜୟ ହାରମନପ୍ରୀତ ସିଂଙ୍କ ନେତୃତ୍ୱାଧୀନ ଦଳକୁ ୭ଟି ମ୍ୟାଚରୁ ୧୭ ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ପହଞ୍ଚାଇଛି। ସ୍ପେନର ମଧ୍ୟ ୧୭ ପଏଣ୍ଟ ରହିଛି । କିନ୍ତୁ ଉନ୍ନତ ଗୋଲ ବ୍ୟବଧାନ ଯୋଗୁଁ ଭାରତ ଶୀର୍ଷରେ ଅଛି |

ପେନାଲ୍ଟି କର୍ଣ୍ଣରକୁ ରୂପାନ୍ତର କରି ତୃତୀୟ ମିନିଟରେ ଟମ୍ ଗ୍ରାମବସ୍ ଜର୍ମାନୀକୁ ଅଗ୍ରଣୀ ଦେଇଥିଲେ।

ଅଷ୍ଟ୍ରେଲିଆ ବିପକ୍ଷରେ ରୋମାଞ୍ଚକର ୫-୪ ବିଜୟ ହାସଲ କରିଥିବା ଭାରତ ଏକବିଂଶ ମିନିଟରେ ପେନାଲ୍ଟି କର୍ଣ୍ଣରରୁ ଯୁଗରାଜ ସିଂଙ୍କ ଗୋଲ୍ ବଳରେ ସ୍କୋରକୁ ବରାବର କରିଥିଲା । ଅଭିଷେକ (୨୨, ୫୧ ମିନିଟ) ଏବଂ ସେଲଭାମ କାର୍ତ୍ତି (୨୪ ତମ ୨୬ତମ ମିନିଟ) ଦଳ ପାଇଁ ଦୁଇଟି ଗୋଲ ସ୍କୋର କରିଥିବାବେଳେ ହରମନପ୍ରୀତ (୨୬ ତମ) ଅନ୍ୟ ଏକ ଗୋଲ ସ୍କୋର କରି ଭାରତର କ୍ରମାଗତ ତୃତୀୟ ବିଜୟ ନିଶ୍ଚିତ କରିଥିଲେ ।

ଜର୍ମାନୀ ପାଇଁ ଅନ୍ୟ ଦୁଇଟି ଗୋଲ୍ ଗୋଞ୍ଜାଲୋ ପିଲାଟ୍ (୨୩ ତମ ମିନିଟ୍) ଏବଂ ମାଲ୍ଟେ ହେଲୱିଗ୍ (୩୧ ତମ ମିନିଟ୍) ସ୍କୋର କରିଥିଲେ।

ଭାରତ ଗତ ଦୁଇଟି ମ୍ୟାଚରେ ଜର୍ମାନୀ ଏବଂ ଅଷ୍ଟ୍ରେଲିଆକୁ ପରାସ୍ତ କରିଥିଲା।