ପାକିସ୍ତାନକୁ ୧୦୭ ରନରେ ହରାଇଲା ଭାରତ

ମାଉଂଟ ମାଉଗୁନାଇ – ମହିଳା ବିଶ୍ଵ କପ କ୍ରିକେଟରେ ଭାରତ ନିଜର ପ୍ରଥମ ମ୍ୟାଚରେ ପାକିସ୍ତାନ କୁ ହରାଇ ଅଭିଯାନ ଆରମ୍ଭ କରିଛି । ମିତାଲୀ ରାଜାଙ୍କ ନେତୃତ୍ଵାଧୀନ ଭାରତୀୟ ଦଳ ୧୦୭ ରନରେ ବିଜୟୀ ହୋଇଛି । ୨୪୫ ରନର ବିଜୟ ଲକ୍ଷ୍ୟ ପିଛା କରି ପାକିସ୍ତାନ ୪୩ ଓଭରରେ ମାତ୍ର ୧୩୭ ରନ କରି ଅଲ ଆଉଟ୍ ହୋଇଯାଇଥିଲା । ଭାରତ ପକ୍ଷରୁ ରାଜେଶ୍ୱରୀ ଗାଏକୱଡ ସର୍ବାଧିକ ୪ଟି ଉଇକେଟ ନେଇଥିଲେ ।
ଭାରତ ଟସ ଜିତି ପ୍ରଥମେ ବ୍ୟାଟିଂ କରିଥିଲା । ଦଳ ନିର୍ଦ୍ଧାରିତ ୫୦ ଔଷଧରେ ୭ ଉଇକେଟରେ ୨୪୪ ରନ କରିଥିଲା । ନିଜର ପ୍ରଥମ ବିଶ୍ବ କପ୍ ମ୍ୟାଚ ଖେଳୁଥିବା ପୂଜା ଭସ୍ତ୍ରକର ସର୍ବାଧିକ ୬୭ ରନ , ସ୍ମୃତି ମନ୍ଧାନା ୫୩ ଓ ସ୍ନେହା ରାଣା ୫୨ ରନ କରିଥିଲେ । ପୂଜି ଭସ୍ତ୍ରକର ପ୍ଲେୟାର ଅଫ ଦି ମ୍ୟାଚ ହୋଇଛନ୍ତି ।