ନୂଆଦିଲ୍ଲୀ: ଭାରତ ଆଜି ଏକ ମଧ୍ୟମ ଦୂରଗାମୀ ଭୂପୃଷ୍ଠରୁ ଆକାଶକୁ ନିକ୍ଷେପ ହୋଇପାରୁଥିବା କ୍ଷେପଣାସ୍ତ୍ରର ସଫଳତାର ସହ ପରୀକ୍ଷଣ କରିଛି। ଏହି ପରୀକ୍ଷା ଓଡିଶାର ବାଲେଶ୍ବର ଉପକୂଳରେ କରାଯାଇଥିଲା। ପରୀକ୍ଷଣରେ କ୍ଷେପଣାସ୍ତ୍ର ଦୂରରୁ ସିଧାସଳଖ ଟାର୍ଗେଟକୁ ଧକ୍କା ଦେଇଥିଲା | ଡିଆରଡିଓ ଟ୍ବିଟ୍ କରି ଏହି ସୂଚନା ଦେଇଛି | ବର୍ଦ୍ଧିତ ରେଞ୍ଜ୍ ର ଏହି କ୍ଷେପଣାସ୍ତ୍ର ଲକ୍ଷ୍ୟକୁ ସଠିକ୍ ଭାବରେ ଧକ୍କା ଦେଇଛି |
ସୂଚନାଯୋଗ୍ୟ ଯେ ୨୩ ମାର୍ଚ୍ଚରେ ଭାରତ ଆଣ୍ଡାମାନ ଓ ନିକୋବରରେ ବ୍ରାହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଥିଲା | ବ୍ରହ୍ମୋସ କ୍ଷେପଣାସ୍ତ୍ର ସଠିକତା ସହିତ ଲକ୍ଷ୍ୟଭେଦ କରିଥିଲା | ଇସ୍ରାଏଲର ଆଇଏଆଇ କମ୍ପାନୀ ସହଯୋଗରେ ଡିଆରଡିଓ ଏହି କ୍ଷେପଣାସ୍ତ୍ର ତିଆରି କରିଛି |
ସୂଚନା ଅନୁଯାୟୀ, ଏହି ମଧ୍ୟମ ରେଞ୍ଜ ଭୂପୃଷ୍ଠରୁ ଆକାଶକୁ ନିକ୍ଷେପ କରାଯାଇପାରୁଥିବା କ୍ଷେପଣାସ୍ତ୍ରର ଓଜନ ପ୍ରାୟ ୨୭୫ କିଲୋଗ୍ରାମ | ଅନ୍ୟପକ୍ଷେ ଏହାର ଲମ୍ବ ୪.୫ ମିଟର ଏବଂ ବ୍ୟାସ ୦.୪୫ ମିଟର | ଏହି କ୍ଷେପଣାସ୍ତ୍ର ୬୦ କିଲୋଗ୍ରାମ ୱାରହେଡ୍ ଅର୍ଥାତ୍ ଅସ୍ତ୍ରଶସ୍ତ୍ର ବହନ କରିପାରିବ | ଏହି କ୍ଷେପଣାସ୍ତ୍ର ଉତକ୍ଷେପଣ ପରେ କମ୍ ଧୂଆଁ ଛାଡିଥାଏ | ଏହାର ରେଞ୍ଜରେ କୌଣସି ଯାନ, ବିମାନ, ଡ୍ରୋନ୍ କିମ୍ବା କ୍ଷେପଣାସ୍ତ୍ର ଆସିଲେ ବର୍ତ୍ତିବା ଅସମ୍ଭବ |
Comments are closed.